有一件事..要大家幫下手...

最好是坦白的告訴他們你的意向，若然推說你已經有男朋友的話，相信問題會越來越大，到時就真係十個煲九個蓋，你話點蓋呢？
做朋友的事，當然是坦白好，若然他們都不了解你的話︳就由他去吧！反正時間同事情會說明一切，我好相信一句話，就是越描越黑，反正清者自清，何用多作解釋呢？

我自己唔鐘意呢類人既男仔~叫佢地唔洗亂猜~其實已經足夠,佢再問落去的話..你就解釋下你鐘意咩類型既男仔..一定一定唔會鐘意個男仔!直接了當!
之後如果都再唔信的話...就唔洗再解釋..時間會慢慢令件事淡忘。

如果你吾系鐘意果個男仔
你又何必要搵藉口去否認呢?
當佢地又話你鐘意佢果陣
直接同佢地講"唔系"就得
吾需要用甘多藉口,兜甘大個圈
當人地識穿左你果陣
就會更加懷疑你真系鐘意果個男仔
先去搵藉口
其實讀書呢d年代比同學講是非同笑刀好正常
如果佢地真系吾信咪算lor
吾洗甘執著去改變佢地嘰諗法
有時傳果d人只系為左好玩先會繼續傳你鐘意邊個邊個
如果佢地好過份
就索性同老師/父母講
無謂令自己同個男仔難堪

我覺得你d同學好無聊,試問下你係唔係真係鐘意個個男仔?唔係丫ma,你唔洗理你d同學點諗,佢問你係唔係鐘意佢,你咪直接答唔係lor,你唔洗故意搵籍口喎,同埋你如果答你有boy friend,你班同學叫你帶你個boy friend出黎玩下,你點算??唔通你去搵個男仔扮咩?同佢地講唔係咪得lor,如果佢地係到亂諗野,你就加多句你地唔好亂諗咁就得,仲有你like邊個都唔關佢地事啦!係咪先?
sorry= =長左小小同直接左d,唔好介意- -""

你直接了當同佢地講，你一D都唔鍾意個男仔囉！！你可以話我對佢一D感覺都冇，唔好再把我跟他混為一談！！！