好唔開心, 佢係咪玩緊我?

佢唔咪玩你~~佢係like你0既~
佢想同你一齊又想你表白~
係因為佢嚮往比人追0既成功感~
又或者係佢以前試過同其他女仔表白失敗~
令佢今次冇信心, 怕同你表白會比你拒絕~
所以佢就將呢個重任交0左比你~
可能佢心諗你like佢就會同佢講~
如果你唔like佢~佢向你表白都冇用~
佢係一個被動0既男仔~
如果你真係好like佢~好想同佢一齊~
你同佢講啦~^^

佢一定唔會係個d怕羞唔敢表白既人..
再加上你話佢明知你鍾意佢..
所以, 你千奇唔好同佢表白..
而且, 要認認真真考慮下呢個人..
講真, 佢成日email你, 又約你去街..
可能真係得閒得濟, 佢明知佢約你你唔會拒絕,
反正未拍拖想搵一個人陪下而已。

我唔知佢有冇d鍾意你, 但就算有, 佢都係一個唔想負責任既人。
就算你同佢表白而佢答應左, 佢一定唔會好珍惜呢一段感情。
人就係咁, 容易得到的東西, 係唔會珍惜的。

你真係唔洗想太多, 可以的話, 試下拒絕下佢, 唔好等佢以為一齊響佢掌握之中先得。

d 男仔就係咁衰架啦....當佢知道你鍾意佢,就更加食住你,可能其實佢只係想拍散拖,又唔想負責任,總之佢地會有好多藉口.....,依家搞成咁...不如你唔好搵佢一排,睇下佢有咩反應啦?就算佢date你,你都要扮唔得閒,唔好一叫就即出,如果唔係,受傷既只有你自己

做朋友都攪到o甘複雜及不誠實，又如何相處下去呢！如果佢鍾意你，佢都點解要令你o甘煩惱？而你自己呢，愛情雖然是盲目，但不要為愛而愛，選擇一個起碼能相處得開心的人，又要相方也願意接受啊！

其實d男仔成日都好鍾意咁.....
咁可能有兩個原因......
第一........佢可能唔係好鍾意你.....但知道你鍾意佢.....佢又唔想放手.....
因為佢唔係好鍾意你......所以唔想主動表白.....
但可能佢又想拍拖.....所以想你表白......到時當拍下散拖咁......
又或者佢純粹想你表白.....你知啦.....肯定有人鍾意自己總係開心d......
又或者佢當同你send email係玩玩下......攝時間......
再差d可能有d人會拎呢d野黎炫耀...........
第二個可能性........就係佢都鍾意你......但唔敢表白......
男仔總係有d 心理......就係唔想做低聲下氣果個......總係想其他人esp女仔做......
又或者佢純粹係冇膽..........佢之前有冇向其他女仔表白過???

我覺得無論係邊個原因都好......佢都係唔夠鍾意你......
如果佢係好鍾意你........佢一定會同你表白kar......

其實人地明知你鍾意佢 咁你又知唔知人地係咪鍾意你?
人地唔表白會唔會係對你冇意思?人地未必係迫你表白 只係根本冇拍拖意願呢
邊個追邊個冇話自唔自投羅網咖 好多時男追女
唔通男性永遠自投羅網?唔係咖嘛 其實你了解佢有幾多
會唔會佢拍緊拖?對你冇意思?又可能佢真係就黎離開hk呢....