倉鼠一問""

✔ 最佳答案

A.點解你覺得你既鼠鼠一隻放開就好唔開心呢?就因為放左鼠鼠去一個好細既地方,成日想走出唻?

其實倉鼠本身係獨居動物,在自然世界中,只會在交配既時候先會走埋出唻一陣,平日係唔會一齊住既,所以一個生活絕對唔會悶

我細個既時候都係一個籠放兩隻鼠,都好明白想放好多隻鼠放埋一齊,但又真係會打交,打到死晒,但寵物店同長輩都話只係個別例子,但我試左好多次都係咁樣,大個睇書先知道原來一隻咁養先係對鼠鼠好,咁先係配合返鼠鼠既天性

好多時覺得鼠鼠悶,都係人既主觀感覺,一來以為鼠鼠會好似人咁,一個生活會悶,多d人熱鬧d,但要知道,獨居動物係唔同既,一籠一鼠先會對鼠鼠好,我一籠一鼠左好耐了,一籠一鼠之後,鼠鼠都長命左,一般都冇咩病,多數可以去到年老老死or年老生腫瘤而死

B.你鼠鼠既情況你換個角度去睇就會明白佢唔係悶:
1)俾第隻鼠打完,情緒都會特別緊張,都會好易好徬徨咁樣,需要過一段時間去平伏心情
我以前買左隻大肚鼠返唻,鼠b未戒奶就打得好犀利,到戒奶時分開佢地,一隻住都成日不斷叫,其中一隻就成日忽然行得好快好驚咁,要過左一段時間佢先正常返,去到3歲多,都未病過

2)鼠鼠去到陌生既環境,一般都會成日想走出去咁,就好似我次次拎鼠鼠去沖涼,佢都會想走出唻咁,但唔代表佢一去沖涼就好悶既

3)將鼠鼠放去一個好細既地方,唔知有冇食水,屋仔之類?如果冇基本既設施,鼠鼠就更徬徨了

C.建議你可以既話以鼠鼠分別地放去一個較大既地方,俾佢靜下,再處理佢地既外傷,冇咁多地方放咁多籠既話,可以試下俾朋友 or鼠店,我都明白放5個籠係好難攪既,我都試過

D.流血既處理方法:
1)用藥用棉花咁住傷口,用外傷既藥同佢搽,小心唔好整到眼耳口鼻.
2)同其他鼠分籠,因為鼠鼠係獨居動物,好易出現打交情況,如果受左傷仲勉強佢地一齊,會令情況更嚴重.
3)冇受傷既鼠,都必須要仔細檢查一下真係有冇受傷
4)佢地兩隻都受驚啦,受驚好易會有其他毛病,同時要keep住檢查佢地既身體同排泄物有冇其他異常
5)保持個籠乾爽清潔,避免細菌感染
6)如果流血既情況嚴重, 其實都幾難止血,因為鼠鼠本身會爪會咬,如果都係止唔到既,俾佢試下自己處唔處理到.都係唔得既都幾危險,鼠鼠咁細隻,如果不斷流血,好快就會失血過多...盡快帶佢睇醫生啦.
7)睇醫生既話可以考慮一下.
愛護動物協會診所資料: Dr. Corla DeWet
http://www.spca.org.hk/chi/vet/vetclinic.html (需入會)
愛護動物協會流動醫療車資料:
http://www.spca.org.hk/chi/vet/moclinic.html
大圍珍禽異獸及寵物醫院 DR.TIGER/DR.LAM
Tel: 2687 1030 地址:大圍積信街75號地下
http://www.taiwaiexotic.com/

回答 (2)