驗孕結果一深一淺

應該係有咗！一條深色一條淺色已經係兩條線（不論深淺之分），如果妳仲唔相信的話，朝早起床唔好飲水，第一次小便係最準確咖再去驗（醫生教），再唔係就去搵醫生幫妳check，如果結果正實有咗妳要小心啲，頭三個月係未穩定，所以做每樣嘢都要小心為上！

如果妳真係有咗的話，以下有小小資料給妳參考！

婦產科醫生比咗張紙我，說有咗之後忌食什麼東西．
忌服：木瓜，苦瓜，黃瓜（即青瓜），節瓜等．
忌飲的東西：含咖啡因飲料，如中國茶，奶茶，檸檬茶，唂咕及可樂等．
每週吃海鮮不可多過四餐，如魚，干瑤柱，帶子，象拔蚌及蠔市等．
以上的食物都對胎兒有一定的影響，盡量忍口吧！不可不信！
木瓜真的很厲害，我試過小產之後無做任何手術，只吃木瓜都可以落掉個胎．

記住記住要休息多啲，食多啲有營養嘢補充個胎同自己！

有咗之後，可以飲鮮奶同孕婦奶粉都可以補充營養或者鮮奶燕窩／燕窩燉雞／花膠燉雞．豬都得(好有營養)．

希望幫到妳小小．祝妳將有一個健健康康嘅ＢＢ！

2007-08-27 13:57:35 補充：
想問妳驗嘅時候係唔係同我說法一樣（朝早起床唔好飲水，第一次小便攞嚟check呀？應該係最準確咖（醫生講）！依家唔好咁擔心，當有咗，食多啲有營養嘅嘢，補充番．妳記住唔好比自己咁大壓力呀？多多小小都會有啲影響個結果咖，放鬆啲，聽啲音樂，睇啲開心嘅電影或搵人傾吓計鬆弛吓，都有幫助！個結果應該會係一個好消息！妳有無搵一個正正式式嘅婦產科醫生去check呀?

恭喜.恭喜!!你系有左bb啦！我遲左兩日就驗啦，同你一樣情況，跟住過多兩日我就去睇醫生啦，醫生話我有左，我開心到跳起，個醫生見到我o甘開心，o巨都笑呀，跟住就開左葉酸比我啦，叫我定時返去做檢查啦！^.^

恭喜你! 我之前都有你同一個問題, 仲買咗幾盒唔同牌子既驗孕棒再驗添, 但其實只要有2條線出現, 無論係深色或淺色, 都係代表有咗!
快D開始食葉酸啦, 對BB好有益架! 仲有快D去体医生, 叫医生寫紙比你去政府/健康院排期.
祝你生個肥肥白白既BB!

驗孕棒結果係兩條線就表示有bb,一條線就表示沒有,只要出現兩條線就表示有bb,不論條線顏色深淺,你最好找個醫生驗清楚,可以安心d.