點迫自己做一d唔鍾意, 但對自己好有益的事?

我maths 一向唔好，form 4, 5 果兩年尤其差，考CE果時簡直想死，好沮喪，冇心機讀。明知道要溫，唔溫唔得，有好多唔識，但一掀開notes就想收返埋，唔想睇。

我令自己堅持的方法就係不斷諗：讀埋呢一兩個月，考埋呢一次就以後都唔駛讀maths (因為我學校中六maths.stat係選修科，可以唔讀），抱住要撐埋最後呢一次的諗法，令自己多一點動力去讀maths.

要克服厭惡 / 煩厭，我覺得要睇遠D，係較遠的未來搵一D自己喜歡的（就好似我係睇到中六可以唔讀maths咁）去作為自己的動力去克服 / 忍受

有時可以用衡量輕重的方法，用返我CE的例子，maths 同升原校兩者中，當然係後者較重要，非常重要。maths 雖然唔係我主攻要攞高分的科，但都要保住合格，確保maths呢一科至少可以幫我攞到一分，多一分，多一份保險

係你潛意識入面想做一d其它嘢, 但可能你自己也未意識到, 只是靜不下心來讀書...
你內心如將讀書認定係你生活的主要模式, 即係接受自己要在多數時間內讀書嘅, 你的問題就已解決了 !
圖片參考：http://hk.yimg.com/i/icon/16/67.gif

我地講無用架！講完你又咪係唔做。
你聽麥sir的節目啦…
主持人：麥潤濤（麥sir）
節目名稱：星空奇遇鐵達尼
唔記得AM定FM（自己turn啦）94.8-96.9
上網都有得聽，有即時收聽和網上重播！
網址：http://www.rthk.org.hk/

2007-08-24 01:20:50 補充：
星期一至五晚上九時至十二時 你有什麼解決不到或想找人開解你可至電上去的

求學的過程必定會面對一些你讀得唔好，但你又必須讀得好的科目。我是一個預科生，之前考CE時曾經好憎好憎讀PHYSICS，一來好難，二來好似就算點溫D concept都唔會清同埋就算concept清，考試都會不明不白地錯錯錯!! 但後來我真真正正地面對左一次physics，睇清楚書入面講緊既係咩，然後唔明就問/自己諗諗諗。後來我發現佢其實冇想像中咁難時，就開始鐘意左呢一科。然後當我唔再皺住眉頭溫佢時，佢變得好容易。(even though 現在仍要花很多時間讀，但已經冇咁辛苦了!)

以前曾經讀中﹑西史﹑epa時想死咁。後來我從報紙入面發現呢3科帶比我的"常識"係好重要，睇左一本叫「Historian」的書，發現原來做history研究冇想像中咁呆板，都需要好多理性分析，然後我冇左好多抗拒。反而現在當我見到類似的資料，好容易記到入腦。

所以，一切學問都係會難，但點解有人仍然繼續上呢?除左過人的智慧/你所說的意志外，愛上那樣學問是最最最重要的。至於點去愛，就要睇你能否放下歧見。