點樣可以清潔矽膠套?

Sunny

2007-08-24 1:35 am

我個矽膠套新買返嚟兩個星期左右已經變成油立立…
一時放落枱度張枱會有成個矽膠套嘅油印
一時放入褲袋拎出嚟就會痴實個褲袋整到要成個褲袋反出嚟先拎到

以前啲套我試過用水同洗潔精洗… 前者毫無效果
後者攪到個套變膠紙咁痴褲袋之餘連啲頭髮都吸哂上水

咁有咩方法可以將矽膠套清到乾乾淨淨?

回答 (1)

2007-08-24 2:23 am

✔ 最佳答案

矽膠套原來係有兩種的,好幾個月前(Nokia 6300面世果時),我都買了一個矽膠套,當時已感覺到如你所講的成日立黐黐,到了前幾日發覺他有少少撕裂,就去鴨寮街準備買個唔同質地的,之前我知道有一款矽膠套連螢幕和鍵盤都遮蓋埋,我覺得防塵係幾好,就一心想買這種,但檔販力勸叫我不要買該種,話會黐甩鍵盤上的部份字劃,他並且拿了幾款出來,我講出矽膠套的毛病後,他說這是前一批的事了,現在出的是改良型唔會黐立立的,他還打開一個給我摸過又確係幾滑而且爽手,仲話若果有黐塵,帶來換番錢,所以我買了一個才$15.
你都買過一個啦,買時定要摸過才好買呀.

2007-08-23 18:33:33 補充：
Sorry! 連螢幕和鍵盤都遮蓋埋的不是矽膠套,是人們叫的水晶殼,其實就是透明硬膠殼.

👍 0 👎 0