我算唔算叫幸福?教下我要點做(鍾意錢果d人唔好入睇答我野)

睇完你篇好似見番10年前自己, 老公發脾氣自己就當無事發生, 繼績做自己或睇電視, 唔會同佢繼績講發脾氣原因之類話題, 借d 椅話去沖涼先喊, 發洩下自己情緒

我老公係因為童年影響而變得自大?自卑?好大男人, 唔知你個係咪?

我處理方法係當件事平淡先再同佢平心靜氣傾, 但唔好咁深入, 佢通常都話唔覺自己有問題, 你就唔好再講, 轉過第二個話題, 其實佢己經收到只係落唔到台姐, 久而久之佢會慢慢體會, 知道你苦心, 最緊要係時間

而你一個人屋企有時不自覺咁諗埋好多, 嘗試下向好方面諗, 唔好兩個都諗埋負面, 你話忍耐又好, 呃自巳又好, 兩個都諗埋負面唔單止幫唔到佢, 重有可能散 tim, 同齡男人諗無女人咁成熟同全面, 卑d 時間啦, 總有一日會守得雲開!

睇番呢10年, 我都唔知幾時我老公變得無點樣發脾氣, 可能人大掛, 而家相處都好恩愛

希望守得雲開日早d 降臨你身上

幸福既人點會覺得自己有問題??
當你覺得有問題5開心,,,啫係你5係幸福囉!!

外人話好幸福又點,,,你係5係真係覺得自己好幸福???
外人話咩係佢地既事,,,
你又5係同佢地一齊生活,,佢地梗係5會明白喇
(雖然我都5係同你生活,,但我可感受到你既情況)

"我知道其實呢刻問題唔係大"
5大???no~!!任何問題都會變大問題,,,成為導火線!!
而且我覺得呢個問題都幾嚴重!!影響到你地平時既生活
再咁落去,,遲早有日你都會頂5順,,,同佢離婚!!!



以下有d地方係用番你打既字眼,,即係你內心既說話
"佢就話:我都話我搞得掂咯 你係咪想話我冇用"

咁你趁呢個機會同佢講::

係呀!!!你5單止毛用,,,仲係呢個世界上最無用既人!!!
你搞得掂??搞得掂就5會返兩份工前感情一直都好好
係返左兩份工之後成日唔夠訓 就開始郁d發我脾氣
有時講唔夠幾句又發脾氣!!?
呢大半年我真係唔知自己頂唔頂到
我唔係頂唔到窮 係頂唔到你d脾氣
婚前我自己都係窮等人
屋企冇乜錢,,自己又搵唔多,,餐餐公仔麵過活
所以對住而家生活--窮,,真係唔係好辛苦
不過受人脾氣真係好辛苦
重要下下受自己愛既人脾氣 !!!
好hurt呀!!
我知道你係返工好辛苦先至會咁
不過我都係人一樣會有唔開心
咁我又可以點
同你講下心入面係點諗
開心唔開心,,
申下唔等於係鬧你
講唔開心既野5係比說話你聽
只係想你知我都有我唔開心時候姐
喊既話你又會覺得我煩 喊乜鬼
對住老公 唔知講乜好 講多又驚錯多
我只係唔想嘈,,咪唔出聲唔郁,,
唔講又比你話我發脾氣!!?
我真係好想好想同你一齊開開心心 簡簡單單

我知你以前d女朋友厭你窮
但係我真係從來都冇厭過,,介意過你窮
我唔愛名牌亦好似d c奶仔咁鍾意用平野
但我好需要心靈上既慰藉
有時想同你傾下計,,溝通下,,就係咁ja 點解都咁難
未來呢大半年我驚你完全冇時間同我傾計
我尊重你,,你唔想唔鍾意既野我都好少會做!!
我知你好驚我會搵第二個,,所以我好少出街,,亦都好少識朋友
做得你老婆係因為我愛你!!
如果我要搵第二個點解仲要同你結婚??
同你結婚一定係有D野係你有,,而其他人無,,,
最重要係我愛你呀!!
而你5信我點解又要同我結婚??
我想你同我一齊既時侯,,
可以一齊刻服所有既困難,,!!(握住佢對手)

我23歲咋,,陪你捱唔係問題,,
因為窮,,少出街少搵朋友玩樂 ,,冇問題
我只係想幫輕你搵份p-t又唔得
見到你咁我好心痛
呢刻既辛酸 因為我阿媽而造成
我有責任幫輕你 我係個負責任既老婆
做part time只係想你冇咁辛苦
身體都好重要
錢可以慢慢還唔一定要一筆過還
冇健康,,除時要用晒人工去睇e生
後生係要捱,,,但5係搵自己條命去博!!
我5想連老公都毛埋!!!
我知你對我真係好好,,著緊我
你好專一,,放工即刻返屋企(就算得一份工都係)
婚後朋友約打機食飯但好少出
你成日都話老婆大晒要陪老婆
亦都唔想我辛苦出去做野 先唔比我做
不過有時連發脾氣都唔可以比人話發脾氣
真係好激氣....
兩公婆有溝通先有共識
有共識先冇咁易嗌撬
我只係想維繫段婚姻,,平平淡淡
呢個問題一日唔決解 遲早有日都會變出其他問題

我地係2公婆,,你既事啫係我既事!!
所以5好同我講唔關我事,,唔想拖累我,,男人事男人解決呢D說話!!
我地係要同甘共苦!!
如果我出去做埋PART TIME,,既可以分擔你既重擔,,
係平時得閑我地又可以一齊傾下計,,行下街,,增進感情!!
E家好多人都2公婆一齊番工,,,
老婆出去做野絕對5等於男人冇用!!
好多老婆出去做野都係因為係屋企悶!!
做野除左解悶,,仲可以為你分擔重擔,,有咩5好??
個D會搵第二個既女人都係因為彼此感情5好,,
如果5想我成為其中一個,,
我地就5好再吵架,,好5好??(抱住佢,,深情咁望住佢)
再+多句I LOVE U,DEAR,,深情一吻..

要同佢講既就係咁多!!
佢叫你5好再講,,OR做D咩野,,,
你都一定要講完佢!!(MAKE SURE佢一定聽到)
軟硬兼施,,,以佢既角度說話,,
堅定咁講下佢既優點,,再輕輕咁講下你既不滿
要點STOP佢,,令佢聽你講野??
HE IS UR MAN,,你想點做都得 XP


有任何得罪,,請原諒!!
想再同我傾,,,可ADD我MSN:
[email protected]

你好呀。
我同你差不多年紀今年二十二歲，我覺得你最重要係找朋友傾下，其實，我覺得男女關係是真的要遷就，我知你已經就得佢好緊要。所以唯一的方法就是要找朋友傾訴下。
我未結婚，以前拍拖時都大家都捉得大家好緊，所以，我都覺得好辛苦
我覺得如果你唔找朋友傾下真係唔得。咁樣會鬱到病。
咁你平時唔開心，你會同邊個講呀？

其實您可以兩面咁睇o既
你老公都係唔想您出黎做野咁辛苦，想比幸福你。
我覺得佢已經好努力去做，但是環境唔許可......

另一方面佢面對經濟、家庭多方面o既野，又無人/唔想人幫佢
又或者佢有好多唔開心o既野>.< 又無人同佢傾 (大男人feel)
長期一個人撐住又真係幾辛苦，一條橡筋扯得太恆遲早都會斷
既然您話每次討論到出黎做野o既問題佢都會大發脾氣o既話就暫時唔好提
關心下佢其他野......
例如您返工返成點呀、見唔舒服無......當輕鬆傾下計，慢慢引佢講佢o既野您知
之後等大家關係無咁僵先討論返出黎做野既問題
但千祈唔好一開口就講我想返工，會刺激到佢

有咩事唔好收收埋埋
有咩問題可以e-mail比我([email protected])

只能說你嫁錯郎,我唔係鐘意錢
但冇錢好難幸福,全都因為你老公冇用之餘又唔肯比你幫
對不起,我係直左少
你話你唔介意窮,之不過窮會引好多問題,你自己都知道
你地先得果23歲連做野既經驗都好淺,根本唔會搵到人工多少少既工
而且你地都冇打好經濟基礎就結婚已經唔好啦
因為錢而唔開心既家庭會因為錢要散

有時唔係你話唔介意冇錢,但可以諗下,
你而家所產生既問題最終都係錢既問題

不過你呀媽大把拿拿10萬到底用左去邊??

我係女性, 想同你做朋友, 傾下.

你同以 add 我 ([email protected]) , or 傳電郵比我.

我因為放唔低屋企既事要去睇心理醫生, 先明白要溝通.

溝通係好重要咖.

比心機, 我支持你

算唔算幸福?
其實你早以有答案 . 何必再問 .
算幸福 .

其實兩個人搞到咁樣真係要好好咁傾下，有得傾先有得救。
無論如何，你都要唸辦法令佢肯坐低、冷靜咁聽你講囉，如果唔係咁落去你地遲早會頂唔順架。
其實佢都真係好辛苦嘅，佢都係壓力大先會咁，你真係要包容佢多d囉。
但而家最重要係，要比佢知道咁落去係唔得嘅，而你只係唔想再令到問題惡化落去囉。
如果佢一講就發脾氣，你都要冷靜，唔好比佢影響到囉。
講嘅唔得可以試下寫信囉，再唔得就錄音或者用sms啦，實有方法嘅!
佢見到你咁努力，都會聽嘅!
總之唔好放棄呀!加油啦~

你話:你聽我講啦,...................................(你就講你想講既野啦)

其實你可以同佢講:
a:我想出去搵工做都係想幫輕下你,你日日都唔訓同成日咁嬲會對身體唔好,我日日都係
home又冇野好做,我咁念都唔想你辛苦!
b:e加收入又唔好,d野又比你打爛左又要買過,餐餐都公仔麵想煮餐好餸都唔得,我只係想　　幫下你炸!
c:我想出去做野唔係話你冇用,我唔想你做2份工咁辛苦,咁念都係為你好!

如果都唔得,我念你要放棄做工呢個想法,
不過我都希望你成功啦~~!!!

家家有本難諗的經!!

外面咁你係幸福!!因為佢地唔知你地係咁!!

我重細,,,但係我明白,,,

我都遇過一個男友係咁大男人!!

其實冇咩辦法,,,唯有等佢還完$$!!做返一份工,,,就會好小小,,,

得閒既,,,就多D同佢講下工作D野,,因為佢一定係好受氣!!

講多D[[我都明白你做野好辛苦,,,,]]

OR講第2D話題!! EG:[[返到黎唔好講D唔開心既野啦,,,不如講下我D送好唔好食呀,,]]

[[你想食咩呀,,我聽日整俾你食呀!]]

同佢按摩下,,,俾佢覺得你都係關心佢!!

係按摩時,,,可以一路傾下計,,,幾好架!!

OR可以租D碟返黎睇!!笑片個D!!

笑多D,,就唔會發脾氣!!


你一定唔好講D你自己唔開心既野俾佢聽,,,
因為佢會覺得你唔明白佢,,,!!

你唔開心唯有向D親戚傾下,,,唔出得街姐,,唔等於唔可以同電話架MA,,,

好似而家咁,,上下網,,,論壇,,搵D 朋友傾下!!都幾好^^"

希望幫到你!!^^"



(唔經唔覺打左咁多=.=")