有冇人試過脫水狗糧??

我隻狗狗四個月大嗰時試過氣管出現嚴重問題, 當時佢又係唔肯食乾糧. 我都未聽過脫水狗糧, 不過, 你可以去獸醫度買一支 "營養膏" 加入乾糧比佢食. 嗰啲營養膏好似支牙膏咁上下size, 而且好香肉味, 之後佢就肯食番野. 其實你盡量唔好比人食嘅野狗狗食, 因為咁對佢冇益. 如果加咗營養膏都冇幫助, 你可能真係要忍心啲由得佢, 餓多幾餐, 佢就會食. 佢而家至六個月, 你縱壞佢, 第時佢會好多野都唔食.

至於牙齒問題, 主要原因係佢曾經有狗瘟. 狗瘟其中一個後遺症係牙齒因琺瑯質受損而變色. 其實我隻狗狗之前有氣管病, 食咗好耐藥, 都有同樣問題, 係獸醫講, 所以冇辦法. 你隻狗狗救得返已經好好彩, 我之前有另一隻狗有狗瘟, 睇咗好耐醫生, 但係始終救唔返.

所以上面位朋友建議你幫佢刷牙, 應該對牙齒唔會有大改善. 不過, 幫佢刷牙都唔會有害. 至於洗牙, 我就唔係好贊成, 因為狗狗洗牙要全身麻醉, 全身麻醉可大可少, 唔係講錢咁簡單, 萬一有咩意外醒唔返點算. 所以真係要好似佢咁講, 要問清楚獸醫有冇咁嘅需要至好.

一撻撻0既會唔會係牙石呀?!

因為乾糧其中一個用處係同佢地清潔牙齒，
而佢又唔食乾糧你又冇同佢刷牙0既話
好有可能係有牙石問題，唔係蛀牙!
你要同佢清潔ga!即使佢係食乾糧都好~都要定期清潔。
我隻狗狗因為之前主人係比佢食浸糧ga~
所以vet話佢d牙石好似2歲咁嚴重!佢得10個月jod~

另外之前聽vet講唔好比飯佢地食~因為佢地唔識吞飯ga~
好多時係咁食係咁食但d飯只係"痴"左0向佢地個上"惡"度
對牙齒係唔健康ga。

至於解決牙石問題係可以你同佢開始刷牙(每晚飯後)petshop 一set好似大概$100
或者出洗牙~npv好似都有ga~但要比vet睇睇有冇呢個需要先law~
就算我果隻vet都係建議同佢刷住牙先~半年後先再同佢洗牙!!

另一樣呢係~之前有行內人仕同我講最好唔好比佢地食雞肉~
因為hk買到0既雞肉好多都係打針雞對佢地身體都唔好~
因為人身體都會吸收更何況係狗!

**唔好一開始就用牙刷呀~你用毛巾伸入佢個口仔揉下d牙仔先~
等佢習慣下~如果唔係佢一驚左就唔會再肯比你放野入佢個口ga la!

2007-08-23 09:39:03 補充：
至於你講0既脫水狗糧呢~就冇乜聽過喇~佢唔肯食乾糧0既原因其實係因為佢食過飯~始終飯係吸引過狗糧.我有朋友隻狗就係咁從此就淨係食飯!但d牙就好差law!你要忍心佢唔食就算~幾日之後佢就會屈服ga la!