關於喇叭的分音問題。

依你所說，相信你的是無源 subwoofer (內部沒有分音器及擴音機)。若用於 2 聲道純音響，一般 2 聲道的前級擴音機 (pre-amp.)或後級(power amp.) 的輸出皆是全頻的，所以你的 subwoofer 所接收到的音頻沒有被限制 (高、中、低、超低)，會擾亂音樂的平衡度，初時聽起來會覺效果多了Bass，聽久了你便會發覺高音跟低音播放出來的時間(線性)不能一致(一先一後)，縱使你另加分音器(浪費金錢)，坊間發燒友不會如此接駁的、除非你的是高級音響系統、可玩獨立一個分音器分配各頻段，棄掉所有喇叭的內部分音器，但要玩得靚聲還是有難度。至於 surround amp. 的 subwoofer out 是輸出 180 HZ. - 40 HZ.(amp. 功能可調)，但你的 subwoofer 是沒內置 amp. 的，故也需加一個 mono amp.。玩 surround 最好有齊 7.1聲道喇叭，中置比後置更加重要，因大部份電影都是口水多過茶，演員的講話都是從中置出的，不信？試試吧！強烈建議你聽純音響莫加 subwoofer，玩 surround就換另一個有源分音 subwoofer。用amp直接去推你的 subwoofer玩兩聲道不構成損壞音響系統任何一員，但會損壞音色！

2007-08-23 13:40:29 補充：
坊間大部份的有源 subwoofer 有下列功能： 1. 內置擴音機。 2. 內置分音器，分頻點一般是 180-40 HZ.(可調) 但有些是更高及更低的。 3. 正、反相位。 4. 可以選擇無源、無分音。 5. 超低音輸出量。 6. 遙控功能。

2007-08-24 16:50:39 補充：
樓上的仁兄，什麼是有源？什麼是無源？人家都說想加分音，用擴音機直接推，我真不知道坊間有源的subwoofer是沒有分音器的啊！在那裡有賣？作何用途？而且他說8寸喇叭加音箱，當subwoofer用，即是他用8寸喇叭加自製音箱作subwoofer用途而已，現在他用擴音機直接推，想加分音器，這就是無源subwoofer。看7.1齊備7.1聲道固然最好！但在顧此失彼的情況下，我堅持建議寧棄後置選中置，既然沒有齊7.1喇叭，已失去真正電影感，有中置，可聽到明亮清晰的對白，音像明確，對應大部份DVD碟片口水多過茶的資訊；無後置，祇是減少一點電影氣紛；口味不同吧！但依你的理論，根本無必要去買中置。

2007-08-24 17:04:44 補充：
樓上仁兄，HiVi四個男人玩投影機沒玩中置？我真懷疑你知不知道中置喇叭應放在那裡？什麼頭頂，後尾枕！玩喇叭夠不夠地方是題外話，中置標準放置應是前置兩喇叭的正中，你知不知道有人玩投射卻將中置放置於螢幕後正中？你能看到嗎？你知否日本人玩音響不會像香港人那樣熱衷玩電源線、喇叭線，是否他們四個人就代表是玩7.1的標準呢？

2007-08-24 17:10:26 補充：
樓上仁兄，什麼頭頂、後尾枕，我看錯你的文章，說錯你，看清楚原來你是說後中置，是的，地方細不宜玩後中置，這點我同意。

2007-08-25 10:27:58 補充：
樓上仁兄，我和你祇是討論，不是爭論，玩音響討論問題是會增加玩音響的樂趣，同意嗎？我也說過，若經濟、環境不能擁有齊7.1的喇叭，中置後置的取捨純是個人口味、要求不同，要求清晰的對白選中置，要求多點環迴效果選後置。很多日本人玩音響是有點不切實際，你看他們可以在不太大的地方去玩超巨型喇叭，已不能玩盡喇叭本身的優點。我不是HiVi的朝沼，我是Yahoo裡的ponghoo，我在這發表的理論你會同意嗎？還是朝沼是HiVi的寫手較具可信性？他們在斗室裡玩兩隻超巨型喇叭，兩隻喇叭中間沒有足夠的空間，若再加中置是有點多餘，不加中置的原因，祇是基於當時的環境因素。

2007-08-26 19:03:23 補充：
樓上仁兄：我祇是對應你說後置比中置重要，而發表我個人的意見與口味，我沒有說過你錯，我說中置比後置重要，是針對大部份DVD碟片資訊都是對白比效果多，中置與後置若一定要取捨的話，是個人口味不同。而若果HiVi的朝沼捨中置不用是對的話，那麼 THX 制定出來7.1需加中置就是錯的了。如果你認為我說話野蠻無禮，I Say sorry to you ！

2007-08-26 21:14:43 補充：
強烈建議你不要用任何外接subwoofer、中置，後置去聽歌。至於surround amp 與你的無源subwwofer正確接法： surround amp subwoofer out TO mono amp. TO your subwoofer (無需另加分音器，在surround amp 的 SUBWOOFER SET UP 選40 HZ 或 50 HZ，視乎你需要)。經濟、環境許可，買齊7.1喇叭，這是 Lucas Cinema THX 定立的標準。我已清楚回答你的問題，正確與否，自身聆聽測試會告知你答案。

2007-08-26 21:34:24 補充：
看清楚了，無中置，一定要坐正中間聲音結像才正確。發問者先生，若你真的沒有中置，記緊要不偏不倚坐正中間啊！而且我說過很多次，中置與後置必定要取捨的話，是個人口味及要求不同，我也不會再爭論下去了，可能我是野蠻吧！

2007-08-27 11:04:35 補充：
若將amp 選定為 THX speaker： 無需調較amp subwoofer out 頻率，amp 也強制不能調較HZ，喇叭也被假定成 small,不能更改。也應將subwoofer 的 HZ 調到最高或撥到 passive檔。amp 選為 非THX speaker： 可因應前置喇叭大小，於sepaker set up 調較喇叭是small或 large，也可因應需要可調較subwoofer HZ，亦應將subwoofer 的 HZ 調到最高或撥到 passive 檔。

2007-08-27 11:37:14 補充：
一般較低檔surround amp都沒有調較subwoofer HZ 的功能，amp 已自動在subwoofer out分頻。subwoofer本身的分音器用途： 一般用於surround用途不大；但用於聽歌 (不建議使用)，用途就相當大了 (配合前置兩喇叭的最低截止頻率)。

2007-08-27 12:00:15 補充：
要抑制低音輸出量所產生的 feedback 就應用subwoofer本身的 VOLUME 去控制 Bass 的輸出量，調較subwoofer本身的分頻點對 Bass所產生的 feedback 是無補於事！

2007-08-27 12:05:18 補充：
調較 subwoofer 的方向性就應調較 subwoofer本身的相位 Phase ( 0,180 ) 的選擇制。

2007-08-27 14:50:02 補充：
樓上的音響專家，你的答案全部是對的！O.K. ? Bye Bye ！

2007-08-27 15:42:17 補充：
1. 聽歌時不建議使用，若堅持使用時，用途就很大。2. 超低音頻本身無方向性，subwoofer的 Phase ，是改變woofer的音盤工作時推前往後方向的先後次序，以達到與前置喇叭線性一致效果。最新的subwoofer有 0, 90, 180度調較。3. 玩surround就要講 THX。不講 THX ，也無需購買有 THX 認証的機種及喇叭、也不能達到 THX surround 的境界。4. 請問樓上音響專家： subwoofer 的 VOLUME 有何用途？

2007-08-27 16:11:23 補充：
以上我的發表言論，祇是基於我玩音響器材多年經驗及閱讀音響雜誌的個人小小見識，可能有些會是錯的，要達到音響顧問的境界，還需不斷嘗試，不斷在各方面向別人探討作多多了解。各位對音響有識之士，請多多指教及討論！

2007-08-28 10:20:31 補充：
發問者先生：雖然我曾修讀過電子，但絕談不上是技師，科學之大，看看自己實在眇小，但你的問題我已一矢中的在首段文章清楚回答及講及我個人意見與口味；我認同HiVi的朝沼是資深音響玩家，但也不能以他當時的玩法去作標準，亦不表示我對他作評擊；限於發表文字量有限，限於別人誤解，限於個人時間，就將其它問題放諸四海讓別人去評定吧，我的回答正確與否，相信將來你一定會明白！

2007-08-28 12:56:50 補充：
subwoofer 的 VOLUME： 每隻DVD 碟片輸出的超低頻量都會不同，必需因應DVD碟片正確調subwoofer VOLUME加減超低頻量 (或用subwoofer遙控器調較，若依別人所說於surround amp set up調正音量後無需再調較subwoofer的VOLUME，根本毋需遙控) ，有些surround pre-amp遙控器也有此功能，兩者都是方便觀看時馬上能改變其超低頻量；過量會產生駐波令人不適及音像矇朧，過少失去刺激感。

首先你分音的定義是甚麼呢?即係加多一個真正的超低音嗎?
你用的是2聲道系統還是5.1環繞聲系統呢?
我假設你係2聲道系統,因為買5.1系統好小唔連獨立超低音的.如果用來聽歌的話,我建議你保持現狀便足夠了,用超低音聽歌好難搞得好.如果是睇戲的話,那倒是有幫助的,低音量可以多好多而且可以獨立控制.但效果同有後置的系統還是差很遠.後置除咗制造環繞效果外,對增加音壓的作用是很大的.如果你的Amp有5.1解碼,唔好怕麻煩,一定要加翻後置,效果保證脫胎換骨.至於中置加固然好,唔加的話只要次次坐在中間就OK喇.

2007-08-23 16:19:02 補充：
我估你的不是無源超低音.因為你係一個有8吋低音單元的喇叭另外有一些小的單元一起負責播放.在環繞系統中,後置負責環繞效果及在大場面時增加音壓,如果淨係得中置冇咗後置呢啲效果會出唔到,反之,中置係負責鎖死對白在中間及負責由左至右的環繞音效,冇咗佢前置一樣會出對白,只要觀賞時坐正中間,對白結像一樣係中間,同聽歌的原理一樣

2007-08-23 16:19:24 補充：
由於中置係出對白,所以正確來講係佢既質素比後置重要,後置可能求其搵對喇叭就得,中置如果級數比前置低就會拖低整套系統的效果.試想右面的人講完對白到中間講,突然清晰度差咗幾條街會幾怪,所以好多人就算玩SACD,DVD audio等多聲道音響都唔會用中置出聲.如果你以前有睇過Hi Vi,你會知道有一個叫朝沼的主編用G70投影機,4個成座山咁大既JBL 喇叭,但係就唔用中置.如果家居空間足夠擺齊7.1而後中置又真係夠位放喺後面而唔係頭頂或者後尾枕咁係好的,否則後中置就會變咗你系統的致命傷

2007-08-24 23:02:42 補充：
樓下人兄,大家討論下攞,邊個做佳解答都好啦.據我答題經驗,好多時發問者字眼係會引起誤會的.因為發問者係話當subwoofer用,佢真係有可能係冇subwoofer的.即係影音sales話8吋單元夠大,可以慳翻subwoofer嗰種理論.最好由發問者自己澄清啦.中置好定後置後我己經陳述咗利害,唔爭論喇日本人有冇香港人咁識玩影音我唔評論,不過我要澄清我唔係睇幅相就話佢冇中置,係Hi Vi個主編自己在內文說的.

2007-08-25 18:15:10 補充：
樓下位仁兄,我十分同意玩音響就是為了增加樂趣,我也相信發問者係想用最小的金錢去獲得最好的效果.如果錢真係冇所謂,只要買最好既器材,搵專家去搞就掂,根本唔駛識.我唔係好同意冇中置對白就會唔清晰,我地平時聽歌不是也有人聲嗎?有需要加中置聽歌嗎?發問者先生的前置有8吋單元,要買匹配的中置一定唔平,買隻平既對白肯定冇用前置出咁清晰就真.那麼中置是否冇用呢?肯定唔係,中置的目的不是為了令對白清晰,而係要將對白鎖死在中間.我之前己經講過,冇中置的話就一定要坐正中間,否則聲音結像會有問題.

2007-08-25 18:15:51 補充：
盡信書不如無書,不過一口就咬定人地冇料又似乎太野蠻.Hi Vi編輯真的有你講嗰種人,例如小原由夫嗰堆巨型喇叭真係喇叭貼喇叭咁滯,掘切將部三菱三槍放喺後尾枕自己聞銀幕咁滯我都覺得幾可笑的.但係朝沼個AV房係咁多個編輯中最大的.絶對有位放一個同前置一樣咁大既中置.唔放只因冇同系列既中置.唔想啲聲唔夾.

2007-08-26 08:38:34 補充：
原來是這樣,那你是不是用數碼線去AV amp解碼,解碼後用AV amp的subwoofer out去mono amp呢?如果係其實AV amp都幫你分咗音.唔駛再加分音.但係如果只係將DVD機的紅白線直去mono amp就唔係咁好,超低音本身係一個獨立聲道,溝埋晒所有聲道再揀翻出來點都冇直出咁好.

2007-08-26 20:57:13 補充：
樓下位仁兄,THX制定要中置當然冇錯,今次係我第三次講冇中置的話就一定要坐中間聲音結像先會正確,希望你今次會睇到.而冇後置呢,你係坐邊度都冇用既.如果要Say sorry你唔係同我講,應該去同朝沼講,因為你話日本人玩音響不切實際,唔係話我.

2007-08-27 09:42:38 補充：
發問者先生已經有齊5.1系統,相信佢都知道聽歌用翻兩聲道會好啲.唔會走去用中置或者後置喇叭聽歌.唔知係咪我既器材落後,40Hz定50Hz好似應該喺subwoofer度set,而唔係用Av amp去set. 點都好呢個唔係重點.如果係用Dolby Digital或者DTS呢類數碼方式解碼後再output去subwoofer.由於佢已經係一個獨立聲道.要出幾多Hz已經清楚知道,係唔應該人手再去搞佢.要set就要set 100Hz或者subwoofer最高可以去到的頻率,否則有機會聽小咗嘢,尤其係將前置設定成small的場合.

2007-08-27 09:42:56 補充：
自行設定最高頻率呢種係Dolby Pro-Logic年代既方法,當時超低未係一個獨立聲道,有需要用filter去揀翻啲低音出來.所以我先前都講唔好用DVD機既紅白線接駁mono amp.現今這方法的另一個用途係當subwoofer放置地方不理想例如太近牆角搞到低音好似有方向性時,先至要特登抑制低音去減低呢個問題.

2007-08-27 14:37:50 補充：
原來我用了較低檔的AV amp,真失禮.又唔建議使用,用途又非常大?咁究竟仲有冇用?用volume去控制feedback係唔正確方法,成日講THX標準,THX標準就係75db.有feedback代表subwoofer放得唔穏陣或其他地方有唔穏陣既物件受影響,你可能要降到非常低音量去消除呢啲雜音,咁仲要超低音來做乜?同埋我都冇話用分頻點降feedback.第一次聽見話用相位解決方向性問題,相位功用唔係照字面解的.由於擺位問題,前置的波形有機會跟超低音的不配合而做成低音互相抵消,調節相位就係要令佢地同步避免低音消減,跟本同方唔方向冇關係.

2007-08-27 18:45:10 補充：
低頻低到一個數值係真係冇方向性的,但係一般家居空間跟本唔可能由subwoofer到聆聽位置一次聲音反射也沒有.假設40Hz冇方向性,反射後產生的二次諧波,三次諧波就再唔係40Hz,最終聽到的會係混合著40Hz,80Hz,甚至160Hz的頻率,這就聽到方向性了,這也解釋了為甚麼超低音放牆角會較容易察覺到超低音的位置.

2007-08-27 18:45:26 補充：
不同規格的喇叭接上Av amp可以有很大的音量差別,一次正確的聲音調較應該調至每聲道都是75db.有時單靠Av amp的音量加減未必就可以令超低音匹配其他喇叭,就算調得到,一個是+12,一個是-12也不太好,這時就可以調較超低音的音量.調好咗之後超低音的音量唔應該再郁,只需改動整體音量便可.

2007-08-28 14:55:02 補充：
假設我而家想睇戲,我都未睇我點知低頻要加減幾多?還是睇完個片段覺得有問題,跟住倒翻轉頭再睇過?個個聲道都可以用遙控較大細聲,點解個導演咁鬼馬淨係唔搞好個超低音,要觀眾自己較來較去?THX設個標準出來就係要較一次就可以安安樂樂睇戲.下下攞住個低音遙控較來較去咪好忙?如果其他聲道都有問題咁可能要搵多個兄弟幫手先掂.較聲道平衡通常係要入set up menu,即係set機用,遙控係方便可以坐喺聆聽位置睇住聲量計改數值,並唔係預你睇睇下戲走去搞聲道平衡的.平時要成日搞代表系統set up有問題引起唔正常效果,可能擺位有問題,可能設定有問題,最好小心檢查下.