台北4日3夜行程一問~急！急！急!

我覺得第一個行程好D, 因為九份同淡水係兩個地方, 點都要返台北市轉車.

如你想去爭鮮, 其實可以 Day 2 去; 如果你係坐捷運去五分埔, 其實一出捷運後山埤站 (如果坐火車就去松山站下車), 無幾遠就會見到一間, 要上一層o架, 好容易見到, 放心! 你可以當食一餐 tea 囉! 但唔好食太飽, 因為行完五分埔過去饒河街夜市入口, 會有一檔食 "胡椒餅", 理論上六點先開檔, 但已經大排長龍, 五點半左右去到望望就穩陣D!

如去鼎泰豐, 十一點半前要到; otherwise, 真係要等兩個鐘. 食完之後, 可以喺南京東路一帶逛逛, 然後去書局街 (台北車站行去唔係好遠), 再返去西門町; 有時間又順路的話, 可以去龍山寺站附近的 "李錦利" 買八仙果 (地址: 台北市康定路187號), 全台得一間, 絕無分店, 味對一食你就知. 價錢係 NT$120 一包 (內有兩小包), 如果已經用盡台幣, 佢都收港幣, 價錢係 HK$30. 其實都差唔多.

我因為之前去過台北好多次, 我會選擇買胡椒餅後搭公車上九份, 逗留喺九份時間唔會太長, 只係食嘢, 因為九份晚上九點後大部部舖頭就關門, 旅館或茶店除外. 所以唔會去基隆夜市, 因為無乜特別. (註: 我覺得基隆最有名嘅唔知乜蟹無淡水嗰D 咁好食, 所以有D 浪費時間. 至於基隆午飯開唔開我就唔知喇!)

至於買唔買 one-day pass. 睇你行程會唔會調一調. 我就試過用一張 one-day pass 係玩中間其中一日 (因為可以 fully-utilize 嘛):

前一晚都係宿東龍酒店: 一早先去龍山寺買八仙果 -> 11:00am 到鼎泰豐食小籠包 -> 順路睇睇國父記念館 -> 芝山站的天母區逛逛 -> 到淡水開餐 (包括: 燒魷魚, 奶油蟹, 甜品等) -> 士林夜市 -> 市政府站的誠品旗艦店 (註: 這間不是廿四小時) -> 如果想再打書釘就喺捷運收之前去誠品敦南店 (忠孝敦化站6號出口) -> 的士返酒店, 因為可以好夜.
=> 計一計 one-day pass 就發覺慳好D, 亦唔需要買悠遊咭!

至於幾點走, 捷運收夜晚十二點, 但要睇下你喺乜站, 每個站都好似香港地鐵咁寫明o架! 但如果你用上文的 "one-day pass" 捷運一日遊, 你可以好夜都得, 然後搭的士返西門町都唔會好貴, 大槪百幾蚊台幣啦.

有問題可以再問. 祝旅途愉快!

第一個好d , 但基隆很遠bor, 悠遊咭好d, 其實去野柳好過去基隆啦, 捷運好似十一二點無得搭

悠遊咭好d, coz 用左次以上可以退 $$
爭鮮@西門町
DAY 1去淡水 如果唔係會太 趕啦~~