Why Aliadiare go Middlesbrough?

亞利亞迪利(Jeremie Aliadiere)話去米杜士堡其實已經係好耐之前嘅事。其實佢本來喺一月已經會俾人賣去米杜士堡，只不過突然間亨利、雲佩斯等前鋒接連受傷，阿仙奴先至終止交易。
到季尾，喺亨利宣布離隊之前，阿仙奴已經完成亞利亞迪利嘅轉會手續，亦都一早做好準備放走佢，但係突然間亨利宣布離隊，同時阿仙奴又唔留住借將巴迪斯達，先會令到一啲唔知內情嘅球迷質疑點解阿仙奴要放走亞利亞迪利。
其實米杜士堡心儀亞利亞迪利已經好耐，而且喺阿仙奴隊中佢又長期不受重用，成日坐冷板，想離開絕對唔奇。去米杜士堡係因為如果你考慮番米杜士堡上季嘅前鋒嘅年紀，個個無三十歲都接近三十，所以買今年得廿四歲嘅亞利亞迪利返嚟都好正常。
不過而家佢去到米杜士堡都未必有得踢正選，因為競爭實在太大喇。米杜士堡喺季前亦都同時簽入兩個好有實力嘅前鋒－埃及王子米度及土耳其射手端基，加上原有嘅耶古保同李東國，亞利亞迪利去到都未必有得踢。

因為艾利亞迪里係阿仙奴冇出路