有關倉鼠的問題??

我所有回答都係自己經驗同埋自己文字打出唻,絕唔會COPY人網頁的,請放心

A.鼠鼠好多時都會用排泄物去表示該地係佢既地盆,所以都習慣在自己訓覺既地方去排泄
以我自己既經驗,小銀弧之類既細鼠係好難要佢用廁所,熊仔鼠就唔教都識,小銀弧就要好好心機,好長時間先可以改善少少,部份排泄時用廁所

加上就算學識用鼠廁所,都一定會有在外排泄既機會,只係少d,特別係鼠鼠既房,係一定會keep住好多排泄物,因為鼠鼠係利用排泄物去表不呢個地方係屬於佢.
我隻鼠訓訓下想去排尿,都一樣會由2樓再上既瞭望台,再落地下一層既鼠廁所,但佢訓既瞭望台,都一樣非常多排泄物,真係臭到死

學用廁所都有方法,只係學唔學得識就好難講:

1)將鼠廁所既廁所沙加多,等鼠鼠排泄前有足夠既沙俾佢抓下先再去,大約厚0.5cm厚左右啦

2)唔係換木糠先將鼠鼠既排泄物先放落鼠廁所,平日得閒就執d落去,最好日日打掃下佢房,就將房既排泄物部份放入鼠廁所中
房既味同埋排泄物都比較多,用呢d會好d

3)未學識時勤力d去清理廁所外既排泄物,一來衛生d,冇咁易令鼠鼠有皮膚病,二來令鼠鼠慢慢習慣鼠廁所先有排泄物

4)俾d耐性去教鼠鼠,佢本身唔慣既時候,係需要好長時間先會學識,但有時隻隻鼠性格唔同,佢本性係唔鍾意用廁所係好難學得識,正如人本身係好亂,要糾正成整齊都唔容易呢!

B.同鼠鼠做朋友唔難,最緊要唔好強迫鼠鼠,見到鼠鼠驚你你就唔好勉強佢,俾多D耐性同時間,同時可以試下以下方法:
鼠鼠買返唻既初時,頭兩日唔好打擾佢,再試下以下方法:(耐左都同鼠鼠唔熟,都可以試下做)
1)你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快.
2)等到你地熟d,做到你一行過佢就行埋唻or冇咁驚你,之後你可以試下伸隻手入籠隻俾野佢食
3)再熟d再試下俾野佢食既摸下佢頭or身
4)佢都唔抗拒之後,可將食物放在手心,等佢行上唻食,慢慢佢會習慣左你既手
5)再熟d就可以抱佢,抱既時候唔好忽然由頭or從後抱起佢,咁會令鼠鼠以為有敵人攻擊,最好慢慢叫住佢先抱佢,如果抱唔到,可以用乾淨既杯唻俾佢上去咁樣抱.

C.如果想避免鼠鼠咬你,都要留意返以下幾個問題,有時鼠鼠咬人,唔一定只係因為佢同你唔熟,仲有其他原因唔好忽視

成日咬人既原因多數有以下幾個可能:
1.鼠鼠咬人多數因為驚,鼠鼠保護自己只係得牙同爪,所以驚起上唻就會用牙同爪去對抗外來者. 鼠鼠咁細隻,其實驚人我覺得好正常,好似如果有隻動物大你咁多倍,一手就拎起晒你整個身體,我諗都會幾驚.所以慢慢唻,俾d耐性同時間吧

2.鼠鼠唔舒服既時候,可能你輕輕一抱就令佢感到唔舒服,又或精神上都會特別敏感,因為自己弱左就更要保護自己.
仔細檢查鼠鼠既身體有冇異常,檢查下鼠鼠既排泄物,同埋個籠會唔會有野整親鼠鼠.

3.有第隻鼠一齊住既話,都會易咬人.兩隻或以上既鼠一齊住既話,其實好易會打交, 打交係因為倉鼠本身就係獨居動物,根本唔適合同其他鼠一齊住既. 佢地既地盆意識好強,到發情既時候先會一齊,我睇書講過,外國既倉鼠繁殖場,都係一隻籠一隻鼠,再到交配既時候先放埋一齊一段好短既時間. 成日都keep住要抵抗敵人既情緒,即係較神經質,咁就好易動不動都想咬人

4.太餓,唔夠野食就會亂咁咬,搵野食,可以一次放多D食物落去,等鼠鼠有較多既安全感,但留意食物唔會變壞先可以

5.你手有食物既氣味,鼠鼠有機會會誤以為係食物而咬落去

6.懷孕既鼠都會特別精神緊張,從而成日咬人

我都曾經有過和你差不多的經驗，你可以嘗試將倉鼠小屋裹帶有佢大小便的木康倒進廁所去，之後把小屋洗乾淨再重新鋪上木康，然後再把廁所位置和小屋的位置交互，這樣做可以令倉鼠嗅到自己的便便味在那裹，令佢知道哪裹是廁所。
如果唔得可以把小屋拿去，然後將小屋裹帶有佢大小便的木康倒進倉鼠廁所去，再將廁所放到小屋的位置去，但唔好把小屋放進去，維持這樣做直到倉鼠習慣在厠所大小便維止。
你多用手拿瓜子給倉鼠多些接觸他，或在佢吃柬西時多撫摸倉鼠 或 ,可以在佢咬你時,細細力用手指打或但倉鼠的嘴。摸他多些。
我隻倉鼠生左好多銀狐有的是小紫倉,如果你還想可以致Email給我;[email protected]

其實,同倉鼠做好朋友好簡單.你只要喂完佢食嘢之後同佢玩.重要每人摸佢的毛,不要抱他,因為佢會好驚!!