本人2年前己全職做飯婆, 照顧老公, 鑽研廚藝煮番兩味, 煲個湯等老公有啖好食, 清潔屋企, 放假會同老公篤下檯波, 做運動, 飲下午茶咁, 自己屋企時會搵好多旅遊資料預備老公放大假時去旅行( 老公有很多假期, 一年有超過40日大假 ), 我都鍾意自遊行去一d 較少香港人去陽光與海灘, 雖然有d地方要轉機又搭船又搭車咁, 但佢都話無所謂, 因可見到未受污染大自然
其實我自己覺得我都幾恩愛, 但係到我面對其它朋友(我d 同佢d )時, 知道我咁後生就唔做又唔生小朋友, 佢眼光就.....我覺得好難受, 久而久之我有d 怕接觸佢,
請問各位認為我有冇問題? 我須要出返做嗎?
更新1:
曾經有個幾知心朋友問我 ' 你唔覺得自己好無用咩? ' 我當時想喊咁滯, 自信心跌到落谷底, 返到屋企諗好耐我呢個朋友係咪想一棍吽醒我呢? 我老公同我講, 悶就去做下義工, 可以幫到人自己又有得著, 打工就唔好啦, 要受氣又無時間理屋企, 屋企又唔係等錢開飯, 平平淡淡閞心咪得囉! 我自己又諗, 萬一老公第時唔要我, 我d 錢的確唔夠退休喎!
