一個難以解決的問題~

其實我唔太清楚你同你女友大概關係係咪良好, 同埋有男仔追佢之前, 你哋有冇不愉快事情發生過.. 所以要作主動性強嘅解決方法係有一定困難...(如果可以了解更多關於你哋嘅情況會更好... =3=")

你之前有冇問過你女友係咪都鐘意對方呢??
如果未, 你而家千祈唔好問住!! 因為面對感情上嘅決擇, 不論男女都會比較傾向無壓力畀倒自己果一邊.. (你一問, 就等同叫佢即刻做決定, 而懷疑嘅問題會令感情更加動搖)
若果你喺未完全了解你女友同追求者之間嘅關係之前, 問你女友; 佢好可能因為你問嘅問題畀倒壓力佢而覺得你煩厭!! 正如"(╯-_-)╯ ~┴─┴~"所講, 個男仔鐘意你女友啫~ 都要你女友接受個男仔先得架嘛~ 感情嘅嘢係雙方..

如果你已經問咗, 就冇辦法, 只好見步行步..
不過無論你有冇問都好, 最緊要就係要關心佢嘅感受、時常企喺對方果邊著想!!
換句話說, 做好男友應盡嘅本份..

就算聽到有可能會不利自己嘅情況(e.g. 個男仔又約你女友出街), 都唔可以太衝動!!! 亦唔好亂諗嘢, 好多時都係因為亂諗出事.. 而女仔會認為朋友約出街好平常
你可以關心對方, 盡返做男友嘅責任(e.g. 問下同邊個去玩或者去邊度玩); 但如果佢唔想答, 絕對唔可以好似審犯咁問.. 對方唔想講就唔好再追問, 就算幾想知都唔好逼佢.. 只要講一啲體貼對方嘅說話(e.g. "玩開心啲"、"唔好玩太夜, 要保重身體!!"、如果佢去嘅地方會出入冷氣地方, 可以提佢多帶外套, 等等..)盡量講啲令佢同你自己都覺得輕鬆嘅說話, 呢啲說話雖然係好似好婆媽, 但對於女士嚟講會幾感動..

當然, 你同你女友都知道呢個男仔係追緊佢, 你都應該問下你女友可唔可以唔應約, 以表對佢嘅著緊~ (但如果佢一定要去, 都唔可以咁專制, 畀佢出去; 因為呢個只係一種吃醋行為, 得嘅梗係好, 唔得都可以畀對方feel倒你緊佢)

平時可以喺佢得閒時主動聯絡佢、關心佢.. 亦都可以喺假日約會佢, 若然佢肯同你去街, 就盡可能唔好提起任何個男仔嘅事!! 因為呢類話題會比較敏感同令佢尷尬, 亦會破壞約會氣氛..
但如果係喺非常時期, 可以每日send一兩個短訊畀對方(e.g. 講啲關心佢嘅說話或者想念佢嘅說話都ok), 但唔可以太密集; 有時間更可以送小禮物附帶一封關心, 深思熟慮嘅一份關心, 勝過萬語千言!!
最後, 都不厭其煩講多次.. 畀"適量"空間佢同尊重佢嘅決定!!

(p.s. 關心、細心係要持之以恆, 千祈唔好等到有危機先做補救, 咁就大羅神仙都冇辦法!!努力啦@@")

咁你個女朋友都冇講鐘意佢,你應該比D信心你女朋友,其實你都可以直接問下佢點諗,不過要問得有技巧D,要表現得絕對信任佢,其實有人鐘意佢証明你有眼光,我覺得沒有問題.
相反如果你女朋友真係要走,咁要留都留唔住...

由得您女朋友自己自由決定la

講真...你咁樣講話唔知點算..我覺得你對你女朋友毫無信心...你話同佢一齊已經好耐..你對佢愛既程度去到邊呀???2個人感情淡唔淡???又或者2個人一齊開心同唔開心既程度又去到邊???你自己知啦!!!!!!!同埋作為女朋友既佢...我諗唔會鍾意一個話唔知點算既人囉...無解決能力既男人...你話點照顧點去愛一個女人????其實你知道有方法去解決...但又唔想搞到有疆局啫...但我覺得2個人之間最重要坦誠..清楚明白了解對方須要d咩...若果你女朋友須要既野你比唔到佢..而果個男仔又可以..咁咪比佢走囉..做得大方d...但其實咁樣做可以証明你有幾愛佢..有幾想佢得得到幸福快樂同想佢得到自已想要既野...你自己諗清楚!!!!!!!!!!

你們感情好嗎?

我同我男友都好久了, 亦有男仔追我, 不過我們感情很好, 不會受其他人影響

俾D 信心大家啦! 只要你們關係好, 一定唔會有問題架!

加油^^

個男仔中意你女友啫, 咁你女友中唔中意個條友丫

拍拖呢d野要睇雙方既意向架

唔難答呀
一) 放棄你女友
二) 同佢死爭
三) 你女友都係人,由得佢自己自由決定

冇其他
唔洗諗
唔洗考慮
三最好
如果你真係尊重佢同愛佢
無論你女友揀邊個
你都會開心
如果你信得過你女友or你地既感情
你女友都唔會揀另一個
如果佢真係揀另一個
咁既女仔都唔值得你愛

既然咁9~都無咩feelings啦~搵過個啦~~

你可以問下你的女友有幾成鐘意我