那個山較容易登上？沙巴的神山?日本富士山？

樓上提供嘅資料似乎有誤導成份（唔知係唔知唔識，定抑或係刻意呃人）．

首先講山高，富士山大約海拔3800公尺，神山大約海拔4100公尺，當然，海拔幾高唔係太重要，因為要睇由幾高開始行，要行幾高，行幾耐，難唔難行先係重點．

富士山有四條路徑，由四個唔同嘅地方起步，神山有兩條路徑，起步地方唔係離太遠（響同一個地方Check in），就講最易行嘅路啦．

富士山最好行嘅應該係河口湖口線，由海拔2300公尺開始行，單程大約7.8公里，大約行５個半鐘就可以到頂（3800公尺），即係爬升咗1500公尺．

神山比較好行嘅路線係由Timpohon gate 出發，大約響海拔1800公尺開始行，第一段大約行6.5公里，行６個鐘有多，去到海拔3300公尺（爬升1500公尺），休息幾個鐘，沖個涼之後，第二日凌晨開始攻頂，再行多大約2公里，海拔爬多800公尺左右，呢一段大約３個幾鐘．即係總共行8.5公里，爬升咗2300公尺，差唔多要行十個鐘．

睇距離，睇爬升高度，睇行嘅時間，都知邊個好行D啦（富士山我未行過，神山就行過，山勢險峻－我唔係健行者．有朋友兩個都去過，都係話富士山好行D）．

另外，富士山每年大約有20萬人去行，而神山呢，如果冇記錯，每日限額，印象中係100人左右，即係一年唔夠四萬人上山（因為半山住宿地方有限，冇訂住宿嘅係唔俾上山嘅，而且佢地都要保護佢地嘅聖山）．

不過，行富士山有個唔好處，就係上到一半已經光禿禿（火山就係咁），冇嘢好睇，行起上黎有D無聊，而神山呢，第一日沿途都好多嘢睇，第二日後半段先爬石，比較起上黎，都叫做多嘢睇架啦．

但係神山天氣極之唔穩定，可以忽然落幾個鐘大雨，雖然響熱帶地方，但係響半山住嘅地方都己經好涷（要著厚衫），行起上黎又好熱，上到山頂等睇日出嘅時候又涷到死．．．

沙巴的神山, 用你的腳一定可以到達山頂, 多數的人都會坐車去到山腰, 若1600米高的地方,參觀完神山公園,然後慢慢行上, 八個小時就會行到五千多米高的山頂了.哪裏有旅店,住一晚,第二天看早出. 然後下山了. 因為沙巴天氣一年四季都熱, 雖然山頂比較冷, 得十度左右. 但適合行山.
致於日本富士山, 就不多普通人去行山啦. 多數人去到都是參觀一下溫泉水眼. 看看山頂. 若果冬天去, 山頂更會積雪, 天氣壞的時候, 連旅遊車到不能入.
當然行神山我了解多一點, 行富士山真的沒有聽朋友說過. 但看你的行山經驗, 也只不個是個愛好者, 跟本不是專業發燒友. 先挑戰神山吧. 最低限度, 去沙巴會平易一點. 除非行山根本就不是你去旅行的主因. 那麼你不如問自己想去日本玩還是沙巴玩吧了. 無為浪費自己的假期呀.