36週孕婦可以每天飲綠茶嗎?有冇簡易補身和清胎毒的食譜?

綠茶梗係無問題，如果你飲左覺得個胃唔舒服就要停，
同埋最好唔好凍飲，飲凍野bb好易有濕疹家，
比個超簡易清胎毒食譜和湯水比你，
(我大肚34週開始食呢兩樣，而家我小B五個月皮仲好嫩白)
食黑芝麻糊和煲老黃瓜豬骨湯飲
黑芝麻糊就食生磨或即沖，即冲我飲多多果隻牌子(惠康、百佳都有得買)

老黃瓜豬骨湯

老黃瓜半個 豬骨約一斤(要出一出水)
眉豆、赤小豆、花生適量
煲兩小時

綠茶係比較涼既, 不過你而家都36週啦! 食些小 or 飲些小涼野都ok架喎! 而我個肚無你咁大, 而家才32週, 但有時都有飲下架!

我而家都有清胎毒了, 我都係煲下d腐竹旦, 買下d芝麻湖, 食下西瓜咁囉! 岩岩就煲左d白蓮鬚糖水來飲, 都好易煲又幾好飲喎! 而腐竹旦糖水都好易煲架, 以上兩款你又可以買定多小小放好佢, 唔使成落街買啊!

白蓮鬚糖水 (助產及有助清胎毒)
飲用時間: 臨盆前一個月至十五天前飲用。白蓮鬚屬平性的食物, 無論涼、熱底的人都適合食用。一星期可飲用1至2次。如要清胎毒之效, 孕婦則在懷孕後六個月飲用此糖水才具清胎毒之效, 將近臨盆時飲用效果不大。
功效:
1)固澀 ~ 白蓮鬚乃蓮花的花蕊, 性平味甘, 有固澀(即止血)、補腎,、消熱毒之效, 而雞蛋則有蛋白質, 此糖水確有助防止生產時大量流血的作用。

2)補腎 ~ 由於孕婦需要養胎, 腎氣一定有損耗, 具補腎作用的白蓮鬚能使孕婦生產時有氣力, 生產過程會較順利。
3)解胎毒 ~ 所謂胎毒, 是指孕婦身體內因常吃油炸食物而產生的「血熱」, 令嬰兒出生後易生瘡、奶癬等皮膚病。孕婦在懷孕後六個月飲用此糖水才具清胎毒之效, 將近臨盆時飲用效果不大。
材料:
白蓮鬚…………..5元
雞蛋……………..2隻
冰糖…………......適量
水………………..6至7碗
製法:
凍水放入白蓮鬚及雞蛋(連蛋殼), 煲滾後以慢火煲45分鐘, 以冰糖調味即成。

腐竹旦白果糖水
功效:
d人話食左bb出世又白又滑啊!
材料:
腐竹皮…………..3-4片
白果…………..20粒(一包真空既都可以)
雞蛋……………..3隻
冰糖…………......適量
水………………..6至7碗
製法:
滾水放入腐竹皮及白果, 以慢火煲45分鐘, 見腐竹皮已溶, 以冰糖調味及打雞打即成。