強積金僱主及僱員供款問題

簡介：總之僱員入職滿60日就要加入強積金計劃, 就算你未做滿3個月總之過60日都要加入, 法例底線係雙方各自供款5%, 僱員會有30日免供期而僱主就冇, 要供足晒既. 而僱員無論晌該月份工作幾多日都好, 收入過hk$5,.000 就要自己供返5%, 通常僱主會直接晌你份糧扣再連同僱主供款一併send 去做供款.

至於僱員即係你幾時開始供款就視乎你入職日子, 如果你入職第31日剛好係月初1號咁你就要係呢個月開始供款, 否則就會延至下個月先開始供.

通常一般公司既做法會等你做滿左60日至報名加入強積金計劃, 而呢60日有機會跨越3個月又或者係第2個月就要供款, 呢個真係好睇你加入日子而定:

舉例一:
入職日:07年8月22日
最後受薪日:07年10月31日
第60日:07年10月20日(即係做埋呢日就要加入計劃)
第31日:07年9月21日
由於以上第31日唔係月頭1號, 因此僱員首次供款月係10月

舉例二:
入職日:07年8月2日
最後受薪日:07年10月31日
第60日:07年9月30日(即係做埋呢日就要加入計劃)
第31日:07年9月1日
由於以上第31日係月頭1號, 因此僱員首次供款月係9月, 10月當然要供

要留意一點, 你未做滿60日僱主係冇權要求你作出供款, 所以一定要等你做滿60日, 就以上兩個舉例的最後受薪日都係07年10月31日, 兩個舉例亦都未做滿3個月, 但由於入職日子唔同, 首次供款月份都會唔同.

估你既情況可能係屬於舉例2.