水箱養箘問題

我都黎答下先~
以前有冇硝化細菌我就唔知了~
圖片參考：http://hk.yimg.com/i/icon/16/33.gif

但有個重點係~呢重菌係會慢慢咁響缸中過濾系統中形成~所以唔加都得~
但因為經過長時間既研究,就開始左話加呢重菌係重要的~
因為開缸多數既人都心急,所以硝化細菌就大派用場~以最短時間幫助養水過程(都要一星期,而唔洗好以前咁慢慢養菌了(可能要2-3個星期,入面仲要有好粗生既魚幫手養菌~主要都係用魚屎去做到養菌效果)
而硝化細菌最重要既工作就係分解魚隻排出既屎中毒素(氨),太多就毒死魚~
圖片參考：http://hk.yimg.com/i/icon/16/2.gif

所以我相信以前既人當養好菌後,d魚先冇咁易死~
基本上放隻死蝦一至兩星期都可以養到呢d菌,所以唔買都冇問題~
但你話有2支硝化細菌,係咪真係硝化細菌先?
圖片參考：http://hk.yimg.com/i/icon/16/26.gif

如果係(PSB),呢隻就唔係硝化細菌,而係光合細菌了~多為紅色,有陣嗅味的~使用時要配合光照架~佢用黎分解有機物等雜質,所以要留意你個2支你咪硝化細菌了~
兩重野有分別架~
圖片參考：http://hk.yimg.com/i/icon/16/67.gif

如果養好左菌就唔洗定時落菌架啦~除非你要換濾材啦~不過濾材都唔會一次過換哂,多數都留一半換一半新~再加菌就比較保障~
希望你同你師父睇完之後,有錯就emil比我指導一下丫~
圖片參考：http://hk.yimg.com/i/icon/16/9.gif

佢就梗係想你買啦
圖片參考：http://hk.yimg.com/i/icon/16/19.gif

細菌本來就自然存在，你買唔買都好，開個缸，加左水，就已經有。聽過有一個養菌方法，我唔敢試：一個樽仔裝ｄ水，放ｄ魚肉入去，ｄ水自然會濁，魚肉會熳，但放到咁上下水會慢慢清，舊肉會漸漸消失，呢樽水就可以入缸啦
圖片參考：http://hk.yimg.com/i/icon/16/59.gif
。
呢個實驗證明，其實自然界中大把菌。重點係你要培養到有足夠菌去處理缸裏面o既排洩物同有毒物質。以前冇菌水，亦冇生物環，你師父o個代只有大量棉花，佢地ｄ棉用到黑，o個ｄ先係寶，因為大把菌，一掉一用水洗，眼睇就安樂哂，但就好似紫砂茶壺洗哂ｄ茶洂一樣，價值大跌。所以洗都只係用舊水沖走面頭ｄ屎就算，水喉水有氯氣殺菌，唔用得；換棉都只會係加新棉入去過濾器，等新棉都開始黑先掉部份舊棉，咁先係保持菌量。再加上定時換養水，足以搞到缸中生態系統好掂。
新缸開始運作，一定有一段時間水濁，因為過濾系統中冇足夠細菌。只要有足夠生物排洩物俾菌做食物，又有大面積o既濾材（生物環，濾水器許可的話放愈多愈好）俾佢地附著，菌o既數量就會增加，之後基本上冇需要再加菌架啦。你鍾意的話，換完水可以加少少，但其實由開缸開始，菌水都係可有可無o既o野。我個三十寸缸一滴都冇加過。最重要係：

開缸後有足夠濾材o既濾水器不停運作；
裏面有一兩條「死士」（死左都唔肉赤又粗壯捱得o既魚）o係缸中大小二便；
有耐性，終有水清o既一日；以為有問題不停換水洗濾材，就永遠都濁。
冇用都買左，點算呢？一係換水後落少少，但因為唔想o徒係咁加又唔得，因為多得滯，ｄ菌唔夠o野食，只會死！然後就成缸變得白濁，盞搞咋。

唔落都OK,
因為菌可培育,
但一定要養緊魚o既水同埋生物環,
在濾水系統內加生物環,
越多生物環表面面積就越大,
養菌越多, 水就越清,
咁就真係唔駛落甚麼消化菌液,
但洗缸或換水時一定唔好用水洗生物環,
最多用舊水沖沖便算,
如果用水洗哂D菌就白費心機,
又要重頭來過!

p.s. 生物環唔碎就可以用一世

又p.s. 養菌期間(約7-10日), D水會濁,
但養菌成功後, D水就自然會清番哂!

再p.s. 水清唔代表水乾凈,
記住定期換水, 約一星期換水一次!