唔知大家可唔可以幫我解答下d感情問題!

嗯～～會有ｇａ！
因為我都有呢個情況．．

一個人的生命入面無啦啦多左一樣野．．咁自己個人就會多野諗左
一多野諗左壓力就會大

佢可能會諗你岩唔岩佢．．或者會諗你會唔會係真心之類～～都會有一大堆問題在佢腦入面～～而佢自己都要面對自己既生活的呢～所以唔可以一時間理咁多野！

我諗你比ｄ時間佢冷靜下～～或者遲ｄ會諗清楚就會同你一齊．．．唔會迫得佢太緊呢！如果唔係佢會好辛苦～

係你既始終都係你的．．急唔黎！

佢未至於鐘意你, 但要考慮緊好唔好接受你. 同埋唔想玩你.

你會吾會成日煩住佢呀??搞到佢集中吾到精神去做野之類掛

甘似我既!!估唔到世界上重有同時天涯同道人!
我覺得我比到佢太急既壓力囉!因為她才分手不久 我便追她了!
其實我暗示好多次!可能佢驚我唔係真心 怕我得手後 不會再這樣對她
而且怕我好快又會同佢分手 再令她傷心 等等!
其實女仔拍拖都係為左開心姐 如果拍拖只係得一刻開心 卻要換左永久傷心的話
當然大壓力 而且 可能想睇定d先 睇下你係唔係真心囉!又可能係家庭既壓力 唔想佢太早拍拖 其實都有好多因素家!

首先，先針對你話佢對你突然間好冷淡呢樣野先。
佢對你冷淡，不外乎兩個原因︰一就係佢唔鐘意你，二就係佢好大壓力。
其實你都有話，佢叫你俾D時間佢，又話好大壓力啦﹗所以可能佢想慢慢o黎，又或者佢想逃避，希望你知難而退。
你要知道，有時候女仔同你好好傾or好friend，唔代表佢一定係鐘意你架﹗你o既誤會會令佢好辛苦。

各方面o既壓力都會有︰
1) 如果佢唔鐘意你，而你又對佢咁好，佢都唔知點算，呢樣已經係一種無形o既壓力。
2) 一樣都係佢唔鐘意你o既話，而佢唔知點reject你，因為大家畢竟係好朋友，咁佢都會好大壓力。
3) 又可能佢未ready好，唔想拍拖住，而你又追得咁緊，佢又會有壓力。
4) 又可能佢本身有鐘意o既人，但係你o既出現令佢心大心細，唔知同一個佢愛我多定我愛佢多o既人一齊，呢樣又係一種壓力。
5) 我唔知你地o既年齡，可能太細個怕俾家人反對，呢樣又係壓力。
6) 又可能佢覺得之前同你太好，令你誤會，以致今日o既局面，又係一種壓力。

壓力可以o黎自好多野，唔係佢本人係唔會知道﹗又或者壓力只係一種拒絕你o既藉口……
其實坦白講，佢話同你做永遠o既好朋友，又對你冷淡，以我為女仔身份睇，佢係唔鐘意你架﹗
因為，真正喜歡一個人，是不會這樣的。