波子魚bb的問題.

初其死ｂ其實都唔係怪事，但你用個盆去養，再加氧氣珠，就相當相當之怪。
又唔係開魚池，做乜要用盆呢？正正經經，廿蚊一個有蓋有個把手o既膠缸，其實相當好用。只需要買一個氣動式濾水器，又稱水妖，即係水族店一舊黑色環狀膠質棉，中間插支膠管o個ｄ，一個一尺缸其實用一舊呢ｄ濾水器都足夠架啦（水妖當然都有大小選擇，棉愈大養菌愈多，效能愈好）。
水面有油亦係中常，食物同缸中有機物，當中o既蛋白質會形成呢層我地以為係油o既所謂油膜。有濾水器，水面有氣打出，有助沖散油膜，有生物過濾令水質改善，有氣出唔駛靠ｄ化學氧氣珠，一舉三得，冇得頂啦。
另一點，我冇養波子（因為佢地人為將魚o既體型搞到變左畸型，相當核突
圖片參考：http://hk.yimg.com/i/icon/16/59.gif
），但有黑摩利，佢地會浮上水面食魚膜，真係一口一口吸特登去吸架。你可以留意下你o個ｄｂ，大條左有可能都會咁做。
魚ｂ粉糧唔駛多，就住落，落完睇住ｄｂ食，食到肚都脹埋架，咁你就知道幾多為之足夠。大多會令水質差。另外，可以去魚街買一包＄１０o既換水設備，當中包括一條軟喉同埋一支成十寸長o既 dropper（好似針筒咁，但最頂係一個風琴摺，用手指按位出氣，放入水就可以吸到水o個ｄ），我就只用 dropper，專吸走缸底ｄ屎，咪睇佢 cheap cheap，非常好用；之後再另外換水。
大缸成日污濁，你有冇濾水器先？濾水器流量要係半小時濾魚缸容量六次最少，內裏要有生物環同濾棉，安妥後就係咁由得佢濾，最近經驗，一個九寸缸濾一日就清，當然魚多缸大就要多ｄ時間啦。不過，屎都係要人手吸架（如上述）。

你是新手嗎?無論咩魚又點會要日日換水呀!你買一個小型的瀘水器啦!約五,六十蚊咋,起碼吾會要日日換水先啦,換水換得吾洽當,魚好易死的.但用了瀘水後小心吸走魚BB呀!

2007-08-22 00:30:02 補充：
水面的油,你可以輕輕放厠紙落去吸走的,動作要快呀!!!