倉鼠bb(10分)

✔ 最佳答案

只可以做既就係唔好再打擾鼠媽媽同鼠B佢地,唔好再掂鼠B啦,無論因咩而令鼠B流血,都幫佢唔到,一定要鼠媽媽先處理到鼠B,始終鼠B都要靠鼠媽媽先長大到,在你手既B會唔會死就好難講,流血既B就好易會死

鼠鼠生左bb之後要留意以下幾點:
1)將鼠爸分開
2)唔好接近個籠,唔好掂鼠媽媽同bb,盡量等到鼠bb戒奶後先洗籠(大約18-21日戒奶)
3)用奶粉沖d奶代替水俾鼠媽媽飲,記得唔好俾鮮奶,唔係會令鼠鼠肚唔舒服既
4)放定好大量既食物入去,之後換食物換奶都要小心唔好俾鼠媽媽發現,到鼠bb識行之後,食物就要整碎d,唔係bb食唔到/食左落去吞唔到就大件事.
5)唔可以將鼠bb同媽媽分開,唔係bb就冇野食,生存唔到.我細個既時候,有人教我用手餵bb飲奶,但咁係唔可行既.
6)另外,如果用既籠係通風,bb可能會趺出唻,可以用d膠file整開包住個籠,但記得要整多d小孔,唔係就冇空氣

食唔理鼠bb or 鼠bb被食有幾個原因:
1)如果鼠媽媽覺得bb有危險-媽媽會食左bb/收埋bb入腮,令鼠bb缺氧,都會食bb
2)鼠媽媽覺得bb養唔大-鼠bb身體弱 or 自己冇足夠既奶分俾佢地
3)鼠媽媽覺得bb有第d動物氣味
4)鼠媽媽情緒太緊張-有第隻鼠在場,有外來環境令佢緊張,有人打擾佢,甚至只係因為生育而情緒緊張
5)鼠bb死左
6)鼠爸爸對bb根本冇咩感情,所以如果生之前冇將鼠爸分開籠,爸爸就有機會會食bb,而鼠媽媽感到威脅,都會唔理鼠bb

另外,繁殖鼠鼠真係有好多問題,希望你可以考慮一下唔好繁殖佢地,同埋可以一籠一鼠,原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨…所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

2007-08-21 23:59:12 補充：
而家既情況,真係睇醫生都幫佢唔到,睇醫生反而會令鼠媽媽緊張而有更大機會食左BB

2007-08-22 01:13:03 補充：
樓上網友,希望可以尊重一下唔好COPY我既答案,真係有心答人既,理應用自己文字去作答,我既答案都係由我自己既經驗同文字,一手一腳打出唻既

2007-08-24 02:01:39 補充：
鼠媽媽咩地方流血?仲有冇鼠b在生?鼠鼠生產後其實係好傷身既,如果出現下體出血,就可能會有子宮腫瘤問題可參考以下我回答既知識:http://hk.knowledge.yahoo.com/question/?qid=7007042901543如果係乳頭出血,就可能係鼠b咬親佢呢樣冇辦法,只可以俾d奶粉沖既奶俾鼠媽媽飲,等佢多d奶俾鼠b,冇咁易咬傷如果係第d地方,就要睇返會唔會有隻鼠爸一齊而打傷佢?又或會唔會有野整親佢?可參考以下我回答既知識:http://hk.knowledge.yahoo.com/question/?qid=7007082107117

回答 (4)