我想買一隻小狗。在那裏最多寵物店(地址)。買什麼種類最好(意見)。那裏最平。

何文田勝利道差唔多成條街都係狗鋪!!!

買迷理松鼠啦..!!
佢地好可愛
我依家都養緊3隻!!!!!!wahahhahaa
我諗平都唔會平得去邊..
你寧願去d有保障嫁啦!!!
唔通街道幾十蚊你買喇喎!!一定有病啦

平既又唔平得幾多﹐差個三兩千蚊﹐萬一牠真係有病﹐看個醫生留幾日醫院都唔只這個數。我就覺得一定要去有信譽既 pet shop 買﹐同埋唔可以急﹐一定要觀察一段時間先好決定。我試過在勝利道一間 pet shop 買左隻銀狐 (間鋪再勝利道用唔同名開左三間﹐但係同一個老闆)﹐四千蚊﹐返屋企第二日就病左有腸炎﹐住左四日醫院﹐出院第二日就肺炎﹐拖左一個星期就去左了。錢已經唔係我最 concern 既問題﹐但係看著狗狗一天比一天輕﹐病得甘辛苦﹐主人都好心力絞碎架。

後來我在勝利道長城買左隻比熊仔﹐七千蚊﹐觀察左三個星期先買﹐養左兩個月了﹐行得走得食得玩得。每日放工都趕住返屋企湊仔﹐好開心架﹗

至於買咩狗就好 depends on 個人 preference 啦。看看你想養細狗定大狗﹐屋企夠唔夠地方﹐有無時間帶牠出街﹐有無心機會同牠梳毛﹐要靜態夠定動態狗﹐男仔定女仔...要仔細考慮左呢d問題先﹐再去 pet shop 揀心愛既狗狗﹐再要了解下呢種狗狗既特性看適唔適合自己養﹐甘你先再考慮買啊...!

呢d都係我既個人經驗者﹐同你分享下﹐唔知幫唔幫到你...