因為咁 每晚父/母 總會特登坐正我床邊 惡到死咁望住我 直到我肯訓為止
面對牆問題冇乜 不過一轉身就會比人打同鬧 到而家人大個左
自己一個訓果陣一係就面向牆 同埋另一邊我會拎好多隻公仔擋到好似牆咁
等家人望自己唔到先會訓得安心 而家婚後 老公塊面向親我訓 我就好唔舒服
覺得好唔自然 點算好? 我老公話兩公婆訓教都要寧轉面 唔知點咁
而且重有個問題 因為細細個成日比阿媽係我訓緊果陣打醒我
唔係拍醒果d 真係冇啦啦星一巴果d 又或者搵野打醒我
搞到我由細到大 唔理幾熱天氣 有冇開冷氣都好 我都一定蓋被訓
重會包到實一實 因為覺得包實d比人打醒果陣冇咁傷 到而家都係
習慣成左自然 不過我而家先知原來係老公眼中我咁樣做又係一個好古怪既行為
但唔蓋實張被 我又係訓唔到咖 又係覺得好唔安全 我應該點做先好
點樣面對呢d問題??
更新1:
而且有個好嚴重既問題 我比人掂親條頸就會不自覺咁即時推開人或者打果個人 重會好大力打 我好抗拒人地掂我條頸 因為細個比阿媽差頸 試過好多次 有半數都係我訓緊果陣差頸 真係掂到hi到我條頸我都好反抗 老公明白我以前既生活 不過佢好想我似返個正常人 唔想我將細個既壓力一直擺係身 但我唔知要點做 先唔驚人地掂我條頸 我唔知要點改先可以令自己唔使下下包實自己訓 亦都唔識得點去做 其實我係個唔使做野既主婦仔 我已經冇工作壓力 但自細既壓力一直都係度 每個月都發十次8次惡夢 每日要訓好多個鐘頭 因為每次訓親 每隔兩三個鐘我必醒一次 訓前每晚都失眠
更新2:
我係咪應該去睇心理e生?因為我老豆之前都好似我咁 佢之前睇心理e生係因為比我阿媽精神虐待 不過唔算嚴重 而家已經唔再需要睇 因為佢地離左婚 我其實同我阿媽都反左面 不過只係半年前開始反面 由細個開始到我上年結婚前 我既生活都係訓教驚比人知 訓左又驚比人打 維持左十幾年 我唔知呢d係咪叫無形既壓力 但我唔識得面對 明知已經同佢反左面 以前既唔開心已經唔會再發生 但個心重未可以平靜到 可以慣左果d行為而變成左習慣 我唔知應該由邊方面開始去改 教教我