我懷疑自己有心絞痛

照你所講，睇黎你個心唔似係有事 bor。你有無下列情況丫？
有無覺個人成日都好累, 唔知點咁,好唔舒服。
有否無端端覺得臼好驚，感覺心跳好大力 ？(心悸)
訓係度、休息時氣喘 ？(Short of Breathe)
運動後 (如快跑、上兩層樓梯)，左上胸有壓迫感的痛楚？跟著狂標冷汗？左手內側痳痺？d 壓迫感的痛楚好快消失 ( 5 至 10 分鍾內回復正常)？

你是否:
1) 肥胖？
2) 喜歡食煎炸、油膩、香脆食物。每日一包炸薯條 + 炸魚柳包 ？
3) 吸煙 - 每日 10 支以上？
4) 中意隊 Beer 每日最少 3 pile 以上？
5) 每星期運動量不足 4 小時？
係 gei 話，就要快 d 睇醫生 check check 好 d。

你可去普通科醫生度，要求做個心臟檢查。
• 1.空腹血糖
• 2.總膽固醇
• 3.高密度膽固醇
• 4.低密度膽固醇
• 5.三酸甘油脂
• 6.同型半胱胺酸
• 7.丙種反應蛋白 ( 定性 )
• 8.胸部 X 光
• 9.靜態心電圖
• 10.運動心電圖
• 11.心臟超聲波
• 12.小便常規

Check 到冇事，咪可以買個安心 law。
點解要信我？因為我是一個因急性心肌梗死(心臟病發)，引發心室顫動，繼而心臓休克，於是緊急做左通波仔放支架手術，現被確診為「慢性缺血性心臟病 (Chronic Ischaemic Heart Disease) 」+ 糖尿二型 DM II 病人 law。現在我每天都要食降血壓藥、抗血小板藥、降膽固醇藥 ，防止「心絞痛 Angina」及「心肌梗死 myocardial infarction」再度發生。
以下是我所知的。希望可以幫到你。
1.我呢排都好夜訓下(4,5點先訓，中午12點起身)，唔知係咪呢d都係因素令到我有呢d症狀？近日，雖有新聞報導：長期睡眠不足會令心臟機能減退。但應不足以引發心絞痛。而夜訓亦應該唔會令你心口翳悶/心口痛。

2.如果患o左心絞痛，係唔係一定要做「通波仔手術」或者「搭橋手術」？而呢兩個手術先至係治療心絞痛o既治本方法? 如果你條冠狀動脈只係塞左 50% 或少於 50%，公立醫院醫生一般會傾向用《藥物及控制飲食》治療去減輕心絞痛(只能穩定病情)。但如果你條冠狀動脈係塞左超過 70% gei 話，醫生會先選「通波仔手術」去消除病灶。若情況不許可，就要改做「搭橋手術」。不過，開胸(搭橋)與否，要睇手術位置及要搭多少條血管而定。不錯，「通波仔手術」或者「搭橋手術」呢兩個手術先至係治療「心絞痛」(其實係 冠狀動脈栓塞 ) o既治本方法。

3.我排o左期去睇街症，諗住再由街症轉介我去分科再由街症轉介我去分科，等候時間會唔會太長？唔好咁開心住！如果你張 ECG 心電圖唔 indicative。表現癥狀不附。你是不會被轉介去心臟科的。幾耐？要睇你係邊區喇！真係好難講。

4.我其實想去化驗所去做心臟檢查，會唔會太貴？大約幾多錢？做心臟檢查唔好自己去普通化驗所做。我會去「香體檢」或「養和」。有 d 儀器化驗所係無的。如 心臟超聲波 echocardiogram，CT64 Scan - Cardiac 非入侵性心血管造影。都要七八千架。

5.如果我真係患上心絞痛，會唔會好易有冠心病？「心絞痛 Angina 」其實係「冠心病 Coronary Heart Disease」 其中一種較輕的症狀。

6.患上心絞痛會唔會好容易就會突然猝死？(個人較為害怕這事！) 除非係「不穩定型心絞痛 Unstable Angina」，一般，由 心絞痛 -> 急性心肌梗塞 -> 心室顫動 -> 心臓休克 -> 突然猝死 的機會係比較少的。

7.患o左心絞痛係唔係要時常睇醫生，做身體檢查？也不是。一般係開頭幫你做哂所有 test 。試藥期時，約每月覆診一次。試o岩左藥又病情穩定，就會每兩個月、或四個月覆診一次。

8.係唔係患上貧血、糖尿病、血壓高會就機會患上心絞痛？貧血不是。患上高膽固醇、糖尿病、血壓高會就機會患上心絞痛。

我自己都係有心絞痛既..都有接受梗治療..希望我可以幫到你啦

最後當然就建議你去睇醫生
----------------------------------------
1.我呢排都好夜訓下(4,5點先訓，中午12點起身)，唔知係咪呢d都係因素令到我有呢d症狀？
其實夜訓係會肝火,肺燥,風熱(中醫講既)..所以有可能會出現心口翳悶..你可以睇睇中醫清下D熱毒,濕毒..睇下解唔解決到

2.如果患o左心絞痛，係唔係一定要做「通波仔手術」或者「搭橋手術」？而呢兩個手術先至係治療心絞痛o既治本方法?
我可以肯定咁答你唔一定要做手術..因為我係藥物治療..必需要戒煙,作息定時
其實係如果藥物治療都唔work先至要做手術

3.我排o左期去睇街症，諗住再由街症轉介我去分科，等候時間會唔會太長？
專科一向都要排期..時間點都比私家長D..大約1個月-2年以上不定

4.我其實想去化驗所去做心臟檢查，會唔會太貴？大約幾多錢？
每間化驗所都唔同價錢..因為唔同化驗所有唔同既儀器,先進程度不一,所以可能收費有貴有平
至起碼都要幾百蚊至幾千蚊


5.如果我真係患上心絞痛，會唔會好易有冠心病？
心絞痛係冠心病既症狀之一

6.患上心絞痛會唔會好容易就會突然猝死？(個人較為害怕這事！)
我自己冇事..所以應該唔會

7.患o左心絞痛係唔係要時常睇醫生，做身體檢查？
我自己就每日都要食藥..醫生我就1-2個月睇一次..1有野我就打去搵醫生查詢..每年做幾次心電圖果D Body Check

8.係唔係患上貧血、糖尿病、血壓高會就機會患上心絞痛？
係

我知我冇可能囉最佳解答,不過我都係建議你去體下醫生啦,與其係呢度問D未必信得過ge網友,不如去問下醫生意見~!