咩野叫做次按,點解股市會跌得咁勁?

次按好多網友答過, 不再細表 , 不過最最大收穫唔係次按 , 係 * CDOs *

早前曾引起一輪恐慌的次按風暴，近日再吹翻兩隻對基金，並逐步蔓延至貝爾斯登等華爾街大行。分析員估計，次按風暴引起的有抵押債務工具（CDOs）價格崩塌，未來或會波及更多基金，連華爾街大行亦難以獨善其身。

CDOs到底是什麼呢？商業銀行或投資銀行向次按公司收購次按貸款後，會連同其他種類的貸款，例如企業債券、信用卡應收帳款、汽車貸款等組合起來，然後再以債券的形式斬件發售，並以較高的息率吸引投資者。目前，美國次按的斷供比率正處於多年來的高位，故擁有次按成分的CDOs，價格因而急跌。

有人認為，CDOs是一種有效分散風險的投資工具。然而，亦有意見指出，CDOs的結構複雜，而且投資者與CDO中所含債務的最終借款人（包括借入次按的業主），中間相隔多重機構（見附圖），故投資者對於CDOs內的債務質素，了解很有限，風險比大家想像的要高得多。

評級機構惠譽和標準普爾上周五分別發出警告，指牽涉次按的CDOs，情會持續惡化。惠譽表明準備調低4隻總值31億美元（約241.8億元）、有包含次按在內的CDOs評級。繼穆迪之後，標普日前亦一次過調降45隻與次按掛的CDOs評級，並謂未來還有88隻CDOs會遭受同一命運。

如果CDOs的價格再大幅下跌，那持有這些證券的對基金，會出現倒閉潮。對基金往往向銀行及華爾街大行借錢，以借平息賺高息的形式，投資CDOs。當對基金倒閉時，借款予他們的大型金融機構，最終也要「上身」。

美國次按風暴剛剛才開始 , 對全世界經濟影響才初初開始 , 而且有漫延擴散0既跡象 , 有的九流分析家話 , 美國次按風暴唔通的中國人唔使打電話咩 , 叫買中移動 , 美國係世界最大經濟體系 , 佢經濟唔掂 , 你的大陸貨賣俾邊個 , 電話緊係要打 , 打電話借錢都要打0既 , 估計 9月周街平貨 , 小小意見大家忍下手 , 跌市莫估底 , 寧買當頭起呀 ,

十流分析員

其實並唔係好似上面位兄弟講得咁簡單. 次按令全球股市跌, 原因包含樓市 / 股市 / 外滙 / 基金 / 風險管理及融資市場. 等我講你知啦!

美國有d財務公司, 專門以高息借錢俾d信用評級低, 還款能力差的高風險人仕去買屋, 並以間屋做抵押. 呢種貸款就叫做 “次級按揭(Sub-prime Mortgage)”. 次按公司為咗減低自巳風險, 就將d按揭証券化(securitise)左, 組合成一d高息, 但低評級的債券, 賣俾d機構投資者, 例如:基金, 保險公司. 呢d債券就叫做 “有抵押債務責任(Collateralized Debt Obligations)”, 簡稱 “CDO”.

在呢十多年, 日本經濟差. 日圓偏弱, 日圓利息亦低 (約1-2%). 好多基金都會以其資產做抵押, 向銀行低息借入日圓. 兌換成美元後, 投資在股票, 債券市場, 包括買入CDO. 甚至成立一d專攻CDO的基金, 務求賺到最大回報.

近年美國地产泡沬爆破, 樓價下跌. 令到好多物業變成負資产, 好多人供唔起樓.本來無乜大問題. 債仔大可以好似香港幾年前負資产咁, 同銀行傾, 供長d. 但因為呢d按揭巳經証券化咗, 即係次按公司要對第三者(CDO投資者)負責. 所以間屋一變成負資产, 次按公司就無選擇, 要斬纜變成銀主盤放售. 大量嘅銀主盤推出, 令樓價繼續下跌. 做成一個樓價不斷下跌的惡性循環. 亦因為咁, 而令到d CDO的價格下跌. 基金為咗止蝕, 就在市場拋售CDO. 搞到d CDO價格繼續下跌. 呢個係第二個惡性循環. 好多次按公司因此而破產, 好多專攻次按的基金亦爆煲.

有買咗CDO嘅綜合基金亦俾拖累而價格下跌, 觸發散戶拋售基金. 基金為咗應付贖回潮, 就將其他優質資产, 例如: 藍籌股票售出套現. 因為咁, 就令股票價格下跌, 於是引起整個股市下跌. 股市下跌, d 基金用黎向銀行做抵押的股票亦跌價. 銀行為保自己, 於是要求基金補回借款差價, 甚至提早還錢. 於是d 基金只有向共他銀行借錢, 又或者賣資产套現還債. 但咁嘅時勢, 銀行鬼會俾d 基金咩! 於是 d 基金只有賤賣資产套現, 咁就繼續推低個股市. 呢個係第3個惡性循環.

基金套現後, 因為佢地之前係借日圓, 咁於是就要沽美元買日圓黎還債. 市場對日圓嘅需求大咗, 就令到日圓升, 美元跌. 亦令到d 基金要還嘅錢變相多咗. 舉個例: 在1美元兌100日圓時, 你借100日圓, 就只需還1美元. 但在1美元兑80日圓時, 你借100日圓, 就要還1.25美元. 於是d 基金就要賣多d 資产先夠還債. 咁就繼續推低個股市. 所以近來每逢日圓兌美元滙價起時, 股市都大跌. 呢個係第4個惡性循環.

呢幾個惡性循環, 一環扣一環, 就演變成所謂嘅 “次按危機” 嘞!