我應唔應同佢屋企人講好呢

家庭及人際關係其他 - 家庭及人際關係

用戶195453

2007-08-22 1:06 am

我3年前結過婚,生左2個小朋友,但係就係上年分開左,而家我有一個細我2年o既男朋友,而家仲一齊住,但係呢,佢屋企人就唔知我結過婚同有小朋友,究竟我應唔應該同佢屋企人講呢,我驚講左佢屋企人會好憎我呀.......點解好呀

回答 (16)

emily

2007-08-22 1:45 am

✔ 最佳答案

其實你唔需要怕,
每人都有唔同經歷,
我4年前都帶住個女離左婚,
我識到我而家先生, 都有見佢家人,
不過係佢當時決定同我同居時, 佢將我過去告訴佢父母,
咁佢父母當然會阻止佢個仔同我一齊,
因為每位父母都想自己兒子有好歸宿,
佢地老一輩未必明白我地感受!
不過只要你地兩個人相愛,
而你男朋友肯為你堅持,
一定會雨過天清!
不過都等你地感情穩定d 至講!
當你地決定左要一齊走下半生既路,
再決定講都未遲!
我同我先生都係咁, 而家仲有另一個4歲仔仔tim^^
希望你都會搵到你既幸福~~

👍 0 👎 0

用戶22151

2007-08-25 8:55 pm

一定要講. you should tell all of this to your family, if not, your family 仲憎你. don't give up, just try

👍 0 👎 0

dicken

2007-08-22 6:12 am

我覺得要講, 但唔係呢個時候, 偉大d講邊個無過去呀, 但現實係世俗人係膚淺的, 你講左你男友可能會承受好大壓力, 而會加重你地負擔, 你結個婚你應該知道兩個人相處都已經會面對好多問題, 唔須要係呢個時候加重大家的負擔,

而你最唔應該係驚見佢地, 人地會覺得你唔大體, 而你應該係佢地未有私心之前, 比佢地知道你係咪一個好女仔, 我諗每個親人都係緊張自己個仔比人騙同薜低, 但如果佢地知道你係一個好女仔, 你之前只係你唔好彩姐, 你要佢地接受個仔的女朋友, 仲要接受埋你過去, 話晒係長輩, 都要比d時間佢地架, [ 但未比佢地受落之前, 打死都唔好講住, 先 [門] 佢地都要, 接受之後先再解釋, 到時佢地接受你就會接受你地解釋, 但如果唔接受, 都起碼睇你平日表現唔係玩玩下的人]

如果你依加講, 佢地都唔知你乜頭乜路, 淨係知你結過婚有兩個仔, 大部份人都唔會接受啦,

最重要你既過去係你自己行過的經歷, 你唔好自悲先, 你驚見到佢地, 係你自己到睇唔起你自己, 你覺得問心有愧, 所以你先咁, 唔好cc叔叔, 你自己要愛你自己, 你地先會識點愛你, 比心機啦

👍 0 👎 0

阿

2007-08-22 5:40 am

其實係諗住同佢家人講之前我想問你而家個男朋友係咪本身已經知先?定係都未知
如果你而家個男朋友知既不如問下佢意見比較好因為佢應該了解自己父母多d
佢父母係傳統定唔保守呢你男朋友應該清楚d
其實就算佢家人介意又點丫最重要係同你一齊住既男朋友唔介意丫嘛
當然你個心梗係想佢家人接受呢個答案啦但你又驚一個唔好彩唔接受
可能會叫自己個仔遠離你
其實唔使驚咁多啦你事實既野最多只可以暪/唔講住始終有日會比佢地知
如其係咁不如自己坦坦白白話晒同你一齊住既係你男友唔係佢父母嘛
不過如果佢父母好保守既話思想又好守舊既話可能真係要諗清楚先
不如同男朋友傾下先

👍 0 👎 0

hingwood

2007-08-22 5:22 am

你同你男朋友傾下囉,呢d野係兩個人既野
如果你男友唔想既,咪唔好講囉
兩個人既感覺,唔駛理其他人點諗

👍 0 👎 0

用戶146549

2007-08-22 3:53 am

睇下你同佢屋企人咩關係啦...

um我冇你咁既經驗不過同男朋友屋企人相處我都有d唔太開心既經歷...
男朋友屋企比較有錢...
佢屋企最錫佢...
所以咩都留俾佢... 結果佢d兄弟姊妹唔鐘意...
不斷咁單單打打... 其實都幾辛苦...
好彩佢媽咪鐘意我...
其實想同你講既係...
要睇下你地既關係點...
好既... 就同佢地講...
因為一家人啦第日都會係...
唔好呃住哂咁...
俾佢地自己知道左仲唔好...

不過如果關係唔太好既... 就唔好講住啦...
畢竟個d係你以前既野...
冇乜特別話要同人講...
你男朋友知道而佢都覺得唔係問題既...
咁又有d咩需要去擔心呢?

相愛係你2個人既野...
最重要都你男朋友點諗...

👍 0 👎 0