✔ 最佳答案
你係香港人, 可以隨時返來香港讀書, 但中間會有好多問題需要考慮清楚.
1) 首先你可以先向該中學了解一下佢地的課程, 如果唔方便, 有一個捷充的方法係去深圳書城到攞初三各科的書睇下, 你就知佢地同香港的有咩分別.
一般來講, 佢地的英文比香港的弱, 但中文同數學就比香港強好多.
2) 係唔係真係一定要去? 又係唔係遲一年半載就會返來? 個答案好緊要.
如果你諗住返來香港會考的, 問題會好大. 你應該知道, 香港會考課程係要讀兩年的, 係要考慮如果你回來香港唔夠時間比你溫得晒兩年的課程, 係會嘥晒時間, 因為今年9月升f.3的學生係最後一介會考生, 如果到時fail, 教育局只提供一次補考機會, 之後唔會再有得會考, 改行334. 如果你只讀F.3之後就回港讀F.4, 咁就問題唔大. 又或者你讀到高中畢業回港讀大學. 咁又得.
3) 你要考慮下, 自己係唔係讀到好成績, 如果返大陸讀書只係逃避的, 我勸你唔好. 因為風險好大. 在大陸讀書係好容易, 有錢就可以, 但要攞好成績比香港讀更難. 在大陸要入好學校, 又要讀到好成績, 真係比香港讀難好多, 因為在大陸真係有心讀書的人好多而且佢地習慣性每日用好長時間讀書, 你可唔可以做到? 當然都有好多唔想同無心讀書的人在.
姪仔的表弟今年9月將會由大陸的學校轉來香港插班讀F.3, 而且係在香港華仁. 聽嫂嫂講, 佢回來插班, 搵學校時都要考過試先決定收唔收, 同現時係香港搵學校一樣, 唔係好成績, 都唔會有好學校收, 到處都係一樣. 希望你考慮清楚. 如果真係一定耍返去讀, 唔使灰心, 比D心機讀好D, 返來一定仲有機, 但係要注意返來的時間唔可以太遲.
