在公司做錯事，可能令公司有金錢上的損失。

上面位網友搞錯喇!

根據僱傭條例
僱主唔可以單單因為員工出錯導致僱主損失，而扣取僱員薪金，要視情況而定。
除非僱員因疏忽或失職導致損壞或遺失僱主的貨品或用具(包括遺失金錢)，僱主才可以每次扣取僱員不超過$300工資。而且該工資期扣除的工資總額，不得超過僱員所得的工資的1/4。 就算損壞或遺失的貨品或用具的價值遠超過$300，僱主亦不可分幾個工資期扣除僱員總數超過$300的工資。

當然僱主可以以民事訴訟追討，如僱以民事訴訟追討，索償就不屬僱傭條例範圍。

其實僱主唔叫你女朋賠償，亦可以嚴重過失為理由炒佢，不過你女友可以唔同意，搵勞資關係科求助，拆唔掂嘅話，到時就要等官判喇。

你話你女朋友係信錯另一同事先出錯，咁話僱主損失係該因同事出錯，而唔係你女友，都係有幫助嘅理據。你女友過去有冇收過warining? 有就會係對僱主有利嘅理據。

僱主引用嚴重過失為理由炒僱員，同僱主提一般出终止僱傭合約好唔同。引用嚴重過失為理由炒僱員，僱主可以唔給與僱員代通知金及代通知期，本年度未放年假之賠償及長期服務金。

其實仲有其他因素會影響你女友個case，例如你女友係唔係符合連續性合約受僱僱員。

可能單睇字面你明唔晒或者會有誤會，但詳情太多呢道唔能夠多講，你想清楚多d可以打去勞工處問下。

2007-08-22 14:00:20 補充：
唔係話個上司錫同信邊個多d就得，如果真係上到法庭，係睇證據。當然好多野係口同鼻抝，所以如果真係要上庭，要搵好多唔同野做證據或搵者同事做正人，再睇個官信邊個。其實僱主都未有行動，你同你女友唔洗咁擔心，你叫佢睇下有冇d咩可以幫倒自己嘅理據先，如果僱主要告上庭，都叫有準備。都係果句啦，好多野網上求助作用唔大，僱主有咩行動你就盡快向勞資關係科(一定要工作地點附近嗰間)求助，如果僱主係以民事訴訟追討就搵法律部門(唔好意思我都唔清楚係邊個法律部門)求助，或者你打政府1823熱線，佢地有多個政府部門嘅資料，一定幫倒你地。