點解D人要製造電腦病毒？

好簡單, 因為無聊.
別小看無聊這一個原因, 現實生活裏面, 有很多惡作劇、誤會, 以及大小問題, 都是因無聊而起的.
與無聊相對的, 就是有建設性的行為. 正如很多宗教人士, 都會強調這個世界除了有維護正義及正道的神 (或一群神) 之外, 還會有很多專做壞事的魔鬼 (或妖怪, 或如希臘神話裏的衰神).
為甚麼人有時候會做損人不利己的無聊事出來呢? 天曉得... (God knows...) 如果你有宗教信仰的話, 或許可以從閣下所信奉的宗教中找出答案吧...

2007-09-06 00:17:56 補充：
支持的人多嗎?
我會是唯一的支持者嗎?

支持自己, 對自己的肯定, 是讓我努力向上的動力之一, 亦是唯一能支持自己繼續生存的原因...

眾裏尋他「已」千百度「了」, 驀然回首, 那人「會否」在燈火闌珊處「呢」?

妖, 咪係因為d人得閒得滯囉.

好似英國果d童黨咁樣, 點解佢地要無啦啦槍殺個死靚仔先? 點解佢地殺完人之後, 仲要將自己o既槍械收藏品, 拍底再放上網先?

荀子話: 人之初, 性本惡. 每個人心裏面, 都會有個心魔架啦. 個心魔成日話俾我地知, 做壞事, 可以得到滿足感丫嘛.

你有冇睇過十幾年前果套西片《沉默的羔羊》呀? 又有冇睇過早幾年日本果套《殺手阿一》呀? 有冇睇過美國好鬼死賣座果個《猛鬼街》系列呀?

點解d人會有犯罪o既意圖呢? 點解會有人鍾意搞搞覺, 有破壞無建設呢? 無神論o既心理學家將人原始o既犯罪心態歸納為「犯罪心理學」, d無神論o既心理學家發現, 犯罪係人天生的本性, 每個人都有或多或少o既犯罪行為及犯罪心理. 好似講下大話呀, 吹水老作呀, 厄厄騙騙呀, 明爭暗鬥呀, 總之好似電影《六宗罪》所講o既「小」罪, 每個人都做過, 又每個人都想去做. 而電腦病毒, 呢d只不過係一d人貪得意果陣搞出黎o既玩意黎o既o者, 又唔係乜野大是大非. 只係有人見到d病毒發明家o既玩笑咁好玩, 咪學下佢地, 玩埋一份囉.

好似早排好興o既駭客遊戲, 好多死靚仔玩到無野好玩, hack入去美國國防部、中國官方網頁度寫大字報, 你話佢地係咪為左錢, 為左辣索美國政府同或者中國政府先? 而今日果d木馬程式, 咪就係果d見到d hacker, 有樣學樣, 好學唔學o既無聊人, 得閒無聊無野做搞出黎o既屎棍囉. 而果d食腦o既古惑仔, 咪睇中左果d得閒無聊無野做, 食飽飯等屎疴o既細路仔o既天才, 再將佢地o既天賦發揮光大, 幫佢地發揮佢地o既才華囉.

如果你睇過早幾年o既西片, Catch Me If You Can, 你就會知道, 好多時d細路, 當佢地有才華, 但係無平台俾佢地發揮果陣, 佢地咪會誤入歧途囉.

點解我地呢個世界入面, 會有人無聊得滯, 鍾意搞屎棍呢? 又有好多聰明o既細路, 無發揮的機會, 會走上搞屎棍o既一途呢? 呢個問題, 又要我地誠心d, 奇下土, 我諗, 早已經聾左又不問世事o既上帝, 總會有一日答你o既. 最小, o係你死鬼左之後, 接受上帝審判果陣, 你會有機會直接向上帝問呢d問題, 佢係全能、全知的, 我諗, 除左佢之外, 呢個世界無凡人可以答到你.

製造病毒,
防毒軟件先有人用的...

好簡單ja

那些人希望可以從其他電腦中得取一些資料吧

例如:其他人ac和密碼,銀行密碼,公司機密資料等等

2007-08-21 13:50:56 補充：
從而去獲得自己的利益

2007-08-21 13:52:49 補充：
又或者佢地想挑戰,嘗試入侵和控制他人電腦才會這樣做吧