✔ 最佳答案
A.都會有對倉鼠皮膚敏感既情況,我就係一個例子,我次次洗完籠都要沖涼先得,掂完都會手痕,不過我就唔嚴重,只係痕冇出疹之類,我仲加埋幾嚴重既鼻敏感,對住鼠鼠鼻會好辛苦,但都養左十幾年,因為覺得冇咩事,沖下涼洗下手都可以冇事,只係間中處理完鼠鼠係要搽皮膚藥膏先得既
當然,個個人情況唔同,嚴重既當然會好大問題
其實如果你囡囡唔係敏感得犀利,可以試下洗多D籠,次次掂完都洗好D,用D貴D既木糠,避免對木糠敏感
養寵物可訓練小朋友既愛心同責任心,如唔係真係唔養得,最好就唔好唔要啦,對小朋友好,對隻鼠都好嗎
B.唔要鼠可以問朋友or上網問有冇人要,都可以拎去愛護動物協會,如果耐左冇人收養,都會人道毀滅,倉鼠咁平,真係好少人會去收養吧
而家做五星級大鼠,真係怕好多人養鼠,之後會有大量人唔要鼠,到時就可能太多人放去愛護動物協會,咁人道毀滅就會快d
C.小灰霸之類既細隻品種倉鼠大約有1.5-2年命,熊仔鼠就大約3年,當然養得好會長命D
2007-08-21 12:06:29 補充:
你講緊既鼠唔知係咪之前問題補充度既鼠呢?差唔多一年既話,一般鼠店都唔收,去愛護動物協會都好難有人要,所以真係諗真d呀
2007-08-21 12:07:29 補充:
睇到話可以俾鼠店暫養,其實都可以的,但日日同你計錢,而且唔會同你養到佢死為止,所以唔要最好就真係搵朋友要會好d