去泰國曼谷的唐人街之問題~~

1) 去曼谷唐人街唔難，搭的士好容易咋。因為唐人街夜晚有好多食肆，條街好旺。因此，馬路都特別旺，有好多的士o架！但係喺唐人街上車，就有可能塞車囉！

2) 唐人街 (泰文譯音為︰YIU WA RAT) 並冇任何架空鐵路 (BTS) 或者地鐵 (MRT)。最近嗰個地鐵站係 "HUALUMPHONG" (唔肯定有冇串錯字)，呢個係終點站。如果你搭 MRT 到呢個站，再轉的士，好快到。

而唐人街同 "KAO SAN" 距離唔算遠，所以你可以喺唐人街再搭的士過去。由於 "KAO SAN" 都係旅遊地點之一，所以嗰邊都一定可以叫到的士。大可放心啦！

3) 香港暑假係 7-8 月，所以 8 月份都算係 PEAK SEASON，價錢相對會高啲。10 月份，泰國嗰邊啲學校會放假，所以價錢都會貴啲啲，但唔肯定係咪一定會貴。因為有時會有 PROMOTION。所以 9 月打後，價錢算係合理O架喇！

2007-08-22 16:24:11 補充：
經常去曼谷度一頭半個月假的半個泰妹！

數年間，已經去咗曼谷四五次，但上次係第一次去唐人街。
上次去，撘Skytrain去On Nut，之後撘觀光船(每人大約THB100-200全日任撘)。重可以去皇宮（值得一去）．等等．．．．又有人在船上介紹（English），話你知下一站可以到什麼地方，唐人街大約撘４－５個站。從唐人街回程便撘的士去最近的MRT。（唐人街exchange Money比較好）

相信11月package都平。上次去係買泰航假期，有私家車往來酒店至airport。（酒店至airport大約要 THB400-500 一程，最重要好多的士司機連有名的酒店都唔識，比泰文地址佢又唔識字。去市中心又多車，Jam倒死。）