警察及英軍的官階的比較

英軍官階, 一向比香港警察同等官階的權力更大, 譬如香港警察警長(Sergeant)可以帶8人, 即一section, 而英軍上士(Sergeant)則可以帶兵24至30人. 有一個概念你要搞清楚, 權力分佈並不一定同官階成正比, 正等如剛passing out既少尉帶兵上限同上士既帶兵上限係一樣, 雖則少尉係Commissioned Officer, 相反Non-commissioned officer最高級既一級准尉即俗稱鬼王既權力係軍營中差唔多係最大, 僅次於Commanding Officer, 一級准尉有權對剛passing out既新少尉進行考核及評估, 而一級准尉之中有一非官方等級, 係一級准尉既隊長, 其官階布章同其他一級准尉一樣不過面積大三倍, 呢種人俗稱王上王, 其於軍營中既地位等同將軍, 我曾親眼目睹一個王上王當面罵一個中校. 所以, 並於軍隊中並唔係邊個高級就邊個權力大, 係視乎appointment, 如果要比較英軍同香港警察既官階, 可以話香港警察既警官級即見習督察或以上既權力同英軍軍官級即少尉既權力相若, 而英軍士官即下士至一級准尉既權力則比香港警察員佐級即高級警員至警署警長既權力大許多.

至於學歷問題, 英軍軍官同香港警察督察既官方最低學歷要求係一樣既, 香港警察督察既官方最低學歷要求係香港高級程度會考兩科合格(高級程度)及香港中學會考其他三科C級或以上, 或同等學歷, 而英軍軍官既官方最低學歷要求係A minimum of 35 ALIS points for the best subjects at GCSE or equivalent, 當然, 香港警察督察同英軍軍官投考人絕大部份都有大學學歷, 哈里王子係以皇室成員參軍, 但佢都合乎軍官最低學歷要求.

至於你話重視邊方面技能, 因為英國教育方式係著重多元化, 而香港教育則著重填鴨, 而且西方家長同香港家長對兒童教育方式亦不同, 所以你話"英軍似乎重視多元化技能多個學歷，反而香港重視學歷多個技能。" 某程度上我唔反對你呢個講法, 其實英軍同香港警察同樣重視學歷, 不過英軍對投考人更多要求.

至於你話如果學歷高的人是否在領導能力比一般中五生更優勝, 則不能一概而論, 只能夠話學歷高既人既可應用知識相對上會比中五生多, 例如語文知識同溝通技巧等. 但亦不代表中五生既領導能力一定比學歷高既人低, 好似美國前國務卿鮑威爾上將並唔係西點軍校出身, 而係由士兵做起, 結果佢係美國歷史上官位最高的非裔美國人. 所以如果機會均等的話, 學歷低既人既仕途並不一定比學歷高既人坎坷. 例如英國警察係無見習督察, 所有警察投考人一定係由警員做起. 至於英軍同香港警察有軍官同見習督察既直接投考設立係為了避免高級人員同基層人員之間出現斷層同埋為了汲納更多知識份子

2007-08-23 06:36:52 補充：
(1989-95)CSM, B Company, Duke of York Royal Military School, Dover, ACF

2007-08-23 19:35:35 補充：
港人可入讀英國軍事學院, 只要你是British CitizenBNO同特區護照都無資格, 連考老散都唔得考美軍老散就得, 因為唔夠炮灰

2007-08-23 19:35:47 補充：
Officer Training 會係Royal Military Academy Sandhurst受訓11個月Passing out後同國防部簽3-4年合約, 其間可休假, 但不可離職, 除非有特殊理由離職後可回港投考督察, 97前一定非常大幫助, 甚至會直接轉職, 而家則可能會有些少幫助, 視乎考官點睇你. 但就算萬一取錄, 除左要由一粒花重頭做起外, 亦唔會有機會升好高級, 因為係British Citizen. 而家要升香港警察部管理層一定要係持特區護照

軍階
元帥 (五星上將) - 大將 - 上將 - 中將 - 少將 - 准將
大校 - 上校 - 中校 - 少校
大尉 - 上尉 - 中尉 - 少尉 - 准尉
士官長 - 上士 - 中士 - 下士 - 上等兵 - 一等兵 - 二等兵
http://zh.wikipedia.org/w/index.php?title=%E8%BB%8D%E9%9A%8E&variant=zh-tw
軍銜
[編輯首段]維基百科，自由的百科全書

軍銜是指軍隊中對不同職務的軍人授予的等級稱號，軍銜將軍人的榮譽稱號、待遇等級和職務因素融為一體，使其兼有調整部隊指揮關係和調整個人利益關係的兩種功能。軍銜分為永久軍銜和臨時軍銜兩類。一般稱軍銜是指永久軍銜。

軍銜一般分為帥、將、校、尉、士官、士兵6等。（部分國家不設元帥級別），每級再細分數級。軍銜制度的意義，主要是有利於提高軍人的榮譽感和責任心，加強軍隊的組織紀律性，方便部隊的指揮與管理，促進正規化建設，對國際聯盟作戰和軍隊間交往也具有重要作用。