朋友和家人...

首先你要放低呢段友誼。事實雖然殘酷，但事實就係事實，無論你當時同對方有幾好朋友、無分彼此，當感情變質，呢段友誼遲早都會完結，自己一定要承認呢個事實（我都知好難受）。從來冇一個保證話友誼唔會變質 / 疏遠，隨住人的成長, 經歷增加，環境改變等等因素，友誼係會改變的，有D能夠受得起呢d風浪的就會更加close，過唔到呢d難關的就自然會完結。可以話緣份完了.我都試過，以為好好朋友，疏遠左，覺得好難受，感覺受傷了，認為朋友唔長久，唔可以交心。但慢慢發覺其實自己係好想再一次擁有個種有好朋友係身邊，甚麼都一起做一起分享的感覺。卻步，其實只會令自己更難受。

有句說話：「Friends come, friends go」。一個朋友走左，就會有第二個。雖然要放低過去，走出陰影係會困難，但係收埋自己只會令自己更難受。但我覺得唔駛刻意地去找話題，只要你持平常心，交朋友呢d野就順其自然。玄d的講法，緣份黎到時你自然就會知道。好朋友，就係由陌生人，跟住普通朋友慢慢發展而成的。對普通朋友交心程度當然有限，你依然可以維持你的「保護程式」，但當你遇到一個你覺得可以發展成好朋友的人（呢d真係講feel，講你地的共同經歷），可以慢慢透露多一點比對方知，當係試探對方又好，令自己有適應期都好，總之比個機會人（一概而論覺得所有人都係壞人其實對你身邊其他人好唔公平），最緊要係比個機會自己。擁有知心朋友係一件幸福的事，唔好剝奪自己的幸福喔

希望你會找到一個真正與你交心的好朋友

佢可能學壞在,先會咁,以後唔好同e d人玩咪得囉