贖回樓契...

有關按契供完最後一期 , 應該由按揭的銀行貸款部完成已經供完的手續文件下達 , 通知銀行物業按揭部門 , 經此再知會銀行相關的律師 , 言明此樓要贖回樓契 , 律師就此樓的政府手續例如曾經登註填土廳此樓宇有銀行作為債權人的記錄 , 要註銷債權人的資料 , 並且完成填土廳有關此樓宇的無債務顯示的完整性 , 或者是有關樓契放在銀行的律師事務所 , 而越大間銀行越多交收 , 佢想快都難 , 因為生意好文件自然太多 ...等文件遊完埠到您手一般都需時 兩至三個月左右是正常 , 如不放心...每日追問律師和銀行 , 務求佢地怕咗您 , 日日追咁就好快攪掂 .

真係要起碼三四個月架, 唔係律師樓唔做嘢呀, 而係就算你已經還晒錢俾銀行,但淨係律師樓通知銀行, 等銀行喺銀行倉提番套契送交你嘅律師樓都要成個幾月喇, 又要等律師樓去田土廳註銷銀行嘅按揭押記, 到律師樓做晒所有手續, 份契又俾得你嘅, 三四個月都唔少得囉.

由於律師樓需代表你到田土廰辦理銷號手續，整個過程閒閒地三至四個月是平常事，放心啦，當律師樓完成後會通知你取回樓契，你估揾地方擺你套樓契既租金平咩。

律師樓通常會告知大約需時多久可辦好所有文件, 如他沒有通知你, 你可在大約一個月後(即由聯絡律師後起計), 主動聯絡律師樓, 因本人也是主動聯絡他們才通知上律師樓簽收文件. 正常應該不超一個半月.