樹點解引雷？

敢問准唔准以中五物理作答呢?
有雷劈既大前提當然係天上既雲同地面有電荷差, d電子想走過去對面平衡番, 所以產生電弧跳過去, 係咪? 係一個好平好平既地面, 電荷既分佈好平均, 冇一點係特別帶電既. 電弧好難形成, 或者係劈落隨機既位置.
如果有突出既樹或建築物, 突出物既表面面積大過平坦既地面, 因為電荷互相排斥既關係, 電荷就集中在突出物上. 電荷愈集中, 就愈引雷.
同樣係突出物, 比起避雷針, 樹木係絕緣體, 所以能積聚係樹上而唔逃走去其他介質既電荷遠遠比避雷針為多, 所以一旦有雷劈落黎時, 就有好大量既電子由電弧跳落黎, 啪啦啦響個大雷, 分分鐘樹都燒得著, 或者電弧高溫劈開樹幹. 所以樓主話樹[係唔會觸電架],並非如此.
避雷針雖然都集中左電荷係身, 但由於係導體[金屬]造的, 電荷會逐小流去附近既介質, 例如空氣. 基於尖端放電原理, 避雷針頂既電荷最集中, 但佢有放電機制, 電荷唔係好大時已經一路放走佢地, 所以唔會好似樹木咁積聚太大電荷, 減少比雷劈既機會. 冇錯電荷太大時, 避雷針一樣會比雷劈,只係避雷針接地線係比座建築物更導電, 所以電子會走接地線落地, 而不大會傷及建築物. 而大樹冇接地線, 電子要經過樹身接地, 咪劈到應一應囉.

因為樹好高,樹又有水又有木,樹ge成份百分百引電