我媽咪睇住老豆拖住女同事一齊返工,但老豆又唔肯離婚,媽咪好慘啊!

家庭及人際關係婚姻與離婚

Pui Sze

2007-08-21 1:36 am

媽咪無做嘢廿幾年,只剩幾萬蚊私己錢,老豆出走咗三个月,唔認有女人,只係話唔想再俾人管住,想過D自由生活,話鐘意收工去打麻雀,賭吓馬仔,攞幾錢去買股票都可以冇人管住.媽咪已估到老豆有女人,他唔認.近期媽咪喺屋企附近撞到佢同个大陸女人同事一齊,老豆仍唔認有嘢,話離婚佢又唔肯,叫佢轉埋半層樓个名俾媽咪又唔肯,之後媽咪跟蹤發現佢哋嘅愛巢(喺媽咪屋企附近),擒曰仲大無私樣拖住手一齊落樓返工,兼且老豆做嘅行為已經唔想再理我同未出身嘅細佬!問過律師意見,上過家事法庭咨詢,如想攞番層樓要打官司,但冇咁多錢,法援又過額,老豆又唔肯離婚,其實媽咪想攞埋老豆半層樓个名,因驚佢玩股票同玩女人會玩到連屋都冇埋,又冇錢打官司,仲要眼火爆睇住佢地喺媽咪屋企附近出雙入對,我查過就算用通姦去搞離婚,都要有證據係捉姦在床至得,點算呀?我哋已經好辛苦至慢慢接受到一个非常盡責,唔好賭,幾十年來都極度痴家嘅好爹D 360度地變咗一个完全放棄成个美滿家庭(包括我同細佬)嘅濺老豆,最慘佢仲要超級賴皮唔離婚,可能唸住留番條後路俾自己,冇可能啦!呢个家唔會再歡迎佢!請問各方好友有冇專業意見可以幫我媽咪擺脫呢个變咗心嘅濺老豆呢?!

回答 (6)

天秤貓貓 Yuki

2007-08-21 2:15 am

✔ 最佳答案

睇到你既情況, 真係好為你地擔心, 更為你媽媽不值!!

希望以下既資料可以幫到你地少少忙......

其實最簡單我諗係去搵社會福利署既社工幫你地,
社會福利署 : http://www.swd.gov.hk/tc/index/site_pubsvc/page_family/
社署電話 : 2343 2255 接通後按「7」字, 直接與社工聯絡。

或者搵明愛傾傾都得。

香港明愛家庭服務 : http://family.caritas.org.hk/index.php
- 明愛婚外情支援熱線 : 2498 0366
- 向晴熱線 : 18288

其他有關離婚問題既資料如下 :

社區法網 - 離婚 : http://www.hkclic.org/ch/topics/matrimonialMatters/divorce/index.shtml

司法機構 : http://www.judiciary.gov.hk/tc/crt_services/pphlt/html/divorce.htm

👍 0 👎 0

用戶188930

2007-08-25 1:46 am

好似唔使捉姦在床,只要影到多次親蜜性同行就可以了,唔好用數碼相機,,,,無相底唔得,希望你能攞回層樓,你要幫媽咪渡過難關,比也機讀書,就算第時你爸爸要回頭都唔好比佢回家,重有,有人打去屋企搵你爸爸,你要話打錯,點知佢會唔會借左人錢報屋企電話,地址,現在的男人對大陸女人走火入魔,無晒人性,連屋企的財物都可以攞晒比大陸女人,我姑姐個老公咪係咁,日日唔開心,唔使2年腦癌死了,佢老公白金都唔比,剩底個仔得10years,個衰人連仔都唔理,希望男人包大陸二奶要槍斃就好了!!!!!

👍 0 👎 0