倉鼠生病, 手軟腳軟

A.你既鼠幾大年紀呢?年紀大or好多病都會令鼠鼠瘦同冇咩力咁,所以好難話你既鼠會唔會死,最好就盡早去睇醫生,病向淺中醫嗎,同時都記得要密切留意鼠鼠既身體及排泄物有冇咩異常

睇醫生既話可考慮以下資料:
最出名醫鼠既係呢間,但就較貴:
大圍珍禽異獸及寵物醫院 DR.TIGER
Tel: 2687 1030 地址:大圍積信街75號地下
http://www.taiwaiexotic.com/

平d可以睇愛護動物協會,但做手術既話,都可能會叫你睇大圍,因為設備不足
愛護動物協會診所資料:(需入會) Dr. Corla DeWet
http://www.spca.org.hk/chi/vet/vetclinic.html
愛護動物協會流動醫療車資料:
http://www.spca.org.hk/chi/vet/moclinic.html

唔會去睇又或未咁快去到既,可以做以下既野先:
1)有第隻鼠既話要分籠,唔係會傳染(鼠鼠本身係獨居動物,冇事都係分籠會對鼠鼠好d)
2)保持周圍既環境衛生
3)唔好俾風直接吹到鼠鼠,要鼠鼠保持溫暖,但又唔好太熱
4)俾一d有營養既野佢食.可以試下俾d麥片or白麵包佢(得呢兩類人既食物我會俾鼠鼠食,仲係有病先會俾)
5)如果鼠鼠唔食野唔飲水,就用手直接餵,都係唔食既話,就要俾d耐性試多d,鼠鼠唔舒服,又會好累咁,係冇咩胃口既.
6)如果你或你既家人有感冒,都唔好接觸佢,唔係又會令鼠鼠更加易再受感染.(鼠感冒唔會傳人,唔洗擔心)

B.都要留意鼠鼠會唔會中暑,因為中暑易會脫水而明顯地瘦左咁

脫水及中暑特徵:
1)行得好慢
2)行路趺下趺下
3)身體發抖
4)呼吸困難
5)皮膚同肉好似有d分開既感覺,即係d皮向下墮,唔係痴住d肉咁
6)甚至摸佢都冇反應

處理方法:
中暑既話就要將鼠鼠拎去涼d既地方,但唔好搵風直吹佢,真係嚴重地唔醒既話,可以俾dd涼既水俾佢,之後盡快睇醫生

2007-08-21 09:56:38 補充：
首先好抱歉知道你既鼠已經走左,希望你第隻鼠冇事啦一般倉鼠一年以上都可以話開始老,你既鼠差不多一年應該未算老既因為始終唔知隻鼠因咩而死,好難話第隻鼠會點,如果係有可傳染既病就麻煩了如果死左既鼠係因打交(冇表面傷都有可能有打,受驚都會令鼠鼠易有病),腫瘤,佢本身既基因or身體問題,就同第隻鼠冇關了建議你將鼠籠及鼠鼠一切用品消毒一下先,可以用小動物專用消毒藥水or牙膏都可以,消毒後先俾第隻鼠用,記得洗好d就安全d同時要留意多d而家既鼠身體同排泄物有冇異常,有咩事盡早可以處理如果睇醫生,而醫生覺得真係冇得救既話,係可以請醫生同鼠鼠做人道毀滅既

第一你的倉鼠年齡多少可以是大年齡了第二你比佢食ga飼料係唔係買定係在街邊摘的有可能是食左有毒ga野 最好的方法是問pet醫生