判刑上訴一問

你單案判半年, 應該係裁判法院案件. 如對判刑不滿, 最遲要在被定罪後14天內提出上訴. 你先要向裁判法院提出 “裁判覆核(Magistracy Review)”, 即係由原審裁判官再睇多次單case, 睇下有無判得過重. 如果敗訴, 可再向高院提出上訴. 因為係自首, 即係認有罪, 所以唔可以提出 “上訴不服判刑(Appeal Against Conviction)”, 而只可以提出 “上訴不服刑期(Appeal Against Sentence)”, 要求減刑. 但因過咗提出上訴期, 你先要向高院提出 “不服刑罰上訴許可申請(Leave to Appeal Against Sentence)”, 向法官提交理由, 點解你遲咗上訴. 如被法官接納, 咁就可以提出上訴不服刑期. 一般黎講, 刑期短的犯人排期會快小小. 但實際上, 最快都要四個月. 所以排到期時, 好可能巳出獄了.