nokia 6120 classic 電池勁熱?

我就無樓上位師兄買左兩個星期咁耐, 我只係買左兩日。

我買之前都有睇到網上話呢部機講10-15mins就會好熱。 但係我部機又講完又唔覺得好熱喎, 係有一點微暖而已, 我都唔知果點微暖係唔係我塊面傳過去既熱, 所以都好難作準, 不過暖既情度係唔會令我諗起 "好熱" 呢樣野囉。

我買之前又係有留意到網上有好多人話部機好食電, 但有d又話兩日/三日都okay, 所以我諗都係每個人用量唔同所以有分別啦 (所以我都去左有代用電送既地方買機, 諗住多一粒電可以做後備)。 不過用落發現我都係一粒電的確係一日就無電, 但我係夜晚訓教無熄機, 訓醒就幾乎不停咁舞部機的, 周圍按, set 野 + 上網 + 用speaker聽歌......, 而且開住bluetooth係會用電d~ 都玩到一整個下午, 之後備用狀態幾個鐘無攪佢直到夜晚八九點, 再舞多半個鐘左右至無電。 所以我諗如果就咁用應該都有兩日/ 三日唔出奇的。

另外, 原裝跟機得個火牛, 用火牛駁落手機度charge電, 咁樣charge電部機一定會熱, 如果擔心因此部機損耗的話, 可以買個叉座 (有d地方買果時有得送埋)。

我無6110, 所以只可以講到6120c 既用後感(兩日), 網上講既都無錯, 部機既反應真係好快架 ^^

我買了它剛好兩個星期:
有以下的問題
人地話講電話一陣就會熱, 係! 係好熱, 我之前用6280我都講得熱, 用過6120c竟然超班, 好嘢!
冇錯! 舊電真係廢到冇輪, 咁多功能又點...起初我用送多一粒既代用電先, 發覺一日(14~18hrs)就k.o. 以為初初用舊電既效能未出到, 就用埋粒原裝電...點知一樣....有得乜乜視像拍片3.5G功能上網就預左人地會用咖喇, 但係唔係真係用大半日就冇晒電...

仲有一個都算對本人既嚴重既問題係:
用梗免提聽歌時, 有來電->接聽->收線->音樂繼續...但聽聽下唔對路點解好以d聲有點...原來變了mono雙聲道, 今日本人親身到nokia太子整機度俾位好好人既師傅睇下部機, 佢都話係聽完電話(用免提)後, 立體聲的音樂變了"雙聲道"簡單d講即係耳筒兩邊既音一模一樣....反而打出電話(都係用免提!)講完收線就冇咁既問題....

不過佢個上網功能就係好得!(可能係本人第一次用s60既機), 3.5G上網超快, 但一定要用SMARTONE既INTERNET ON MOBILE, 配合簡直天依無溤!(比起和記3嗰個乜乜3XLPOER....不與致評)

再者一提就係...中間果D制好易襟錯(可能我隻手大掛)左邊MENU和左邊C制...