杏倉塊面脹左

A.照你所講,又未必一定係病,如果真係想換又冇單,可以先打去問下可唔可以先,但要留意,如果佢真係有病,你拎去換既話,其實佢應該就唔會有人去理佢了,所以希望你考慮清楚先

B.你鼠鼠既情況我覺得有以下可能:

1)收埋食物-陌生環境
鼠鼠習慣將食物收埋腮,去到安全既地方再拎出唻,但鼠鼠第一日去到你家,環境變遷,對住既人又唔同,頭兩日都會好唔習慣,所以未去到佢覺得安全既地方都唔定,咁就未會將食物拎出唻

2)收埋食物-有第隻鼠一齊
唔知你隻鼠係自己一個籠定係點呢?特別係如果你將佢放去同你原有既熊仔鼠一齊既話,相信佢會好驚or好有壓迫感都唔定,咁就可能唔會將食物整返出唻,鼠鼠係獨居動物,所以應該一籠一鼠,唔同種打交既問題就更大,而熊仔鼠就更加會好細個就有地盆心態

3)腮穿左or生瘡
為有尖既野整穿左鼠鼠既腮,腮穿左就會整唔返食物出唻,就會見到有食物在入,如果再有細菌感染,就會生瘡,呢個情況一定係要搵獸醫先可以解決到,仲要盡快,如果唔係,個瘡爆左,咁就好難好返架啦.
獸醫可能會幫鼠鼠放膿,要唔要放就要睇實際情況先知,由於有細菌感染,應該就會用抗生素治療.如果係用抗生素既話,必須定時服用晒所有抗生素,絕不能中斷

4)腮腫瘤
如果腮生腫瘤都會令腮睇起上唻腫左咁,都係要睇醫生先處理到

C.3,4既處理方法處理方法:
呢兩樣情況都需要較多儀器,可以到大圍度睇:
最出名醫鼠既係呢間,但就較貴:
大圍珍禽異獸及寵物醫院 DR.TIGER
Tel: 2687 1030 地址:大圍積信街75號地下
http://www.taiwaiexotic.com/

平d可以睇愛護動物協會,但做手術既話,都可能會叫你睇大圍,因為設備不足
愛護動物協會診所資料:(需入會) Dr. Corla DeWet
http://www.spca.org.hk/chi/vet/vetclinic.html
愛護動物協會流動醫療車資料:
http://www.spca.org.hk/chi/vet/moclinic.html

睇醫生可能要book or如果未即時去到既話,可以做住以下既野先:
1)有第隻鼠既話要分籠,患病既鼠被第隻鼠乘虛打死(鼠鼠本身係獨居動物,其實咩情況都係一籠一鼠較好)
2)保持環境乾爽清潔,避免有更多細菌再令鼠鼠受感染
3)唔好俾風直接吹到鼠鼠,要鼠鼠保持溫暖
4)俾一d有營養既野佢食.可以試下俾d麥片or白麵包佢(得呢兩類人既食物我會俾鼠鼠食,仲係有病先會俾)
5)如果鼠鼠唔食野唔飲水,就用手直接餵,都係唔食既話,就要俾d耐性試多d,鼠鼠唔舒服,又會好累咁,係冇咩胃口既

佢係咪生野，會唔會死???

會死,要睇醫生

之後畀藥佢食

可唔可以去返紅羅白到換，我冇單，我怕佢唔認???

無單問下紅羅白認唔認到你

唔換你就投訴