如果用酒樓coupon 影新天地...

我都係用酒樓送嘅新天地 coupon 影, 不過上星期去門市預約咗影相時間, 所以未知服務好唔好? 我就排到11月頭影 ... (我係預約 weekdays 嘅, 唔知 weekend 排到幾時)
因為 coupon 係酒樓送嘅, 係冇相簿亦都冇相底, 我就覺得唔知影嚟做乜? 當然如果你本身會影其他嘅婚紗相, 就唔 upgrade 冇所謂啦! 但我因為只係諗住影呢間嘅婚紗相, 所以我有加錢轉過個 package c, 但我睇返其實應該轉 package b 就夠, 仲可以慳番 $1,120 添, 唉! 衝動咗, 不過算啦, c 多咗兩張相, 同埋多咗張我唔知有乜嘢用嘅 20 x 48 吋噴畫.