大學制度問題

大學可以自由編排上課時間(所以有大學生鐘意砌到自己每星期有1-2日放假), 可以add/drop某些科目, (但必修科無論如何都一定要讀). 大學亦可以走堂, 但有部分堂會點名, 而attendance會計入學期成績, 有時測驗會係堂上測. 亦有大學會對走堂太多既學生扣考.
大學唔會好似中學咁有班主任. 畢竟大學生已經係成年人, 要對自己負責, 大學唔會有老師上堂親口提你有咩重要事項, 測驗可能提你一兩次, 亦唔會督促你溫書, 成績差又唔會鬧你. 不過如果成績太差, 學校有權踢出校. 考試時間同交學費日期要自己上網check. 如果你唔記得就後果自負. Notes就自己上學校網頁下載, 或者上堂派. 有D老師會建議一堆參考書目, 但是否強制你買就視乎教授preference以及你覺得有無必要.
每個教授教學方法不同. 畢竟大學強調自主學習, 所以唔好expect好似中學咁有老師乜都教你. 有部分老師會跟notes講. 有部分會就咁比份notes你, 你自己跟指示同諗下點樣做, 唔識可以問. 有部分會要你上堂前備課, 上堂問問題. 一般一科會分lecture同tutorial, lecture會教新野, tutorial會應用lecture學過既內容.
考試方面難度是否高要視乎教授和你是否對課文是否熟悉. 一些會較為嚴謹的老師會令較多學生不合格. 如果你考試前好多野唔識既, 亦會有好大機會唔合格. 試過有一科有160-165人讀, 有大約三十幾人不合格.
論文方面要視乎科目及大學要求. 有些會叫你寫論文, 有些會要求拍片, 有D可能要你做一個較大型的project. 學考會有小冊子/教授講寫論文注意事項. 寫論文前要自己擬定題目及搜尋資料. 論文大綱及題材要先讓教授過目, 到教授approve先可以寫.
一篇好的論文要觀點一致, 內容前後連貫、參考不同立場並作客觀分析、措詞要準確、每個分析要有堅實的證據支持、要多用不同來源的資料, 及多加分析, 不宜過多引述別人資料. 參考資料的網站有教如何寫論文.