急問!我隻狗有牛蜱,獸醫話會死,重有冇得救嫁?(20點)

狗喺從未有過預防牛蜱既治療底下俾十幾隻牛蜱咬(即係吸血)，問題可大可小。

# 小問題就即係你早發現佢有牛蜱。
你只需要你幫你隻狗清走哂D牛蜱同定時每個月同佢滴一次蚤水(Frontline)就OK~
滴蚤水要每個月滴一次藥水係頸背度，注意前後兩日唔好沖涼。
當然最好就先用噴霧蚤水(Frontline Spray) 直接殺死牛蜱，噴之前要戴手套~

# 大問題就好似佢已經無里精神，什至有痾嘔。
呢個時候就一定要睇醫生，因為有好大機會患有"牛蜱熱"，一種由牛蜱傳播，
令紅血球分裂導致狗貧血。醫生有可能建議狗驗血(寄去漁護處驗牛蜱熱)，
留院觀察，吊鹽水，藥物治療… 一定會過千蚊埋單。
輕則(早期發現) 住兩三日院就會康復，當然返到屋企要繼續食藥，什至唔使住院剩係食藥都有可能。
嚴重既話，有機會死亡。

雖然有專治牛蜱熱既藥(係藥水嚟~)，但若果情況較差既話，就末必救得返... 所以你要理解醫生既決定同意思。真係唔可以接受既，可以轉去其他醫生，但結果都係會寄D血去漁護處化驗。

我非常理解你既心情，希望你要明白。祝你好運。

2007-08-19 22:09:52 補充：
忘了另一件事，樓上說得對，因為有牛蜱熱既狗會有貧血，所以除咗食藥重要輸血。除非診所有血包，否則有需要找一頭可以捐到血既狗。

牛蜱真係好可怕,我隻狗狗上個月都係因為牛蜱而結束咗佢嘅生命,因為牛蜱菌係會破壞狗狗免疫糸統,起初我一d都唔發覺,但最明顯佢條利仔會比較白,因為d菌會令狗狗貧血,d料料又會好黃又橙顏色.但如果可以及早醫治(打針"食藥)就ok,我隻狗狗就冇咁好彩啦!我4月尾開始發現,佢又要輸血,又要食藥,醫足2個幾月,其實醫生早早已經叫我放棄,但我真係好唔捨得,而且我隻狗狗有13歲,所以康復都比較慢,直到而家我都好心痛,我都好希望你隻狗狗冇事啦!

2007-08-19 14:32:41 補充：
我想問清楚你究竟有冇同狗狗去診所驗血,因為唔係隻隻牛蜱都有菌,最好係驗血就最清楚,你盡快同佢睇醫生啦!我第二隻狗狗都係及早發現,所以而家都健健康康.放心啦!

2007-08-20 19:32:54 補充：
樓下位朋友,驗牛蜱熱唔需要攞去漁護處,喺動物診所~醫院幫狗狗抽咗血,大約15分鐘就可以知道結果啦!