什麼叫愛情玩家

對我黎講「愛情玩家」既定義本來就係 :
抱住一個「只在乎現在開心, 暫不考慮將來」既心態對拍拖。

因為「愛情玩家」都係只想享受拍拖既開心感覺,
並唔想負大多責任,
總之開心就一齊, 唔開心就分開,
而通常呢d情況都係發生係年青男人或一d被愛情傷害過既人(無論男女)身上,
男人天生比較愛玩愛自由,
成日都怕結左婚後會冇晒自由同要負好多家庭負責任,
所以自然地成為「愛情玩家」;
而受過愛情傷害既人,
就係怕再被傷害,
所以會學識收埋自己所謂既真心,
然後拒絕人哋既入侵。

好簡單,
一個唔想負責任既男人加一個害怕再愛傷害既女人走埋一齊,
好自然就成為一段你騙我，我騙你既遊戲,
即係所謂既「愛情遊戲」,
當中兩個人亦同時成為「愛情玩家」。

所以如果你問我係咪「愛情玩家」,
我就可以好肯定咁答你「唔係」!
雖然我已經拍咗四年拖,
但從冇一刻我有諗住同呢個人玩下先既心態,
頭幾個月既熱戀期過後,
我地已經開始諗將來,
plan下我地應該幾時結婚,
大家接受生唔生小朋友、生幾多個等,
雖然唔一定立即有決定,
但至少雙方都會去諗呢個問題,
咁試問如果應該自己係「愛情玩家」既人,
又會唔會咁快諗呢d問題呢?

所以我唔太同意"man_wai13579"既講法,
真正既「愛情」唔係一場遊戲,
唔係大家到分開時就可以當冇事發生過,
返回起點再黎過,
冇得take two,
係一齊過就係一齊過,
係真心愛過就係真心愛過,
係傷過、痛過就係傷過、痛過,
我諗大部份女仔都唔希望男方係用一個「玩game」既心態同自己一齊,
因為咁唔覺得係「愛」自己,
最多只可以話係「喜歡」自己,
亦似乎對方已表明「唔好諗住有將來」咁。

但亦同意"man_wai13579"話,
「唔認同愛情玩家係一d專玩愛情既人！」

我唔覺得「愛情玩家」只係專玩愛情,
佢地都有用個心去同對方一齊,
唔一定係「玩」對方,
就好似玩game咁,
都係想對手同自己玩,
陪下自己以作解悶或逃避寂寞,
更何況「愛情」係需要兩個人或以上先成事?!
只係到解決完自己既需要(如已經唔悶或有其他事做),
就會close左個game。
另外受過傷害既就因為受過傷害所以會愛得好有保留,
所以唔係所有「愛情玩家」都係人地講到咁衰話專玩愛情既人!

不過如果用「遊戲」黎形容一段感情,
咁呢個人就真係明附其實既「愛情玩家」。

希望以上個人見解可以幫到你, Thanks~

非常同意

每一個人都係愛情玩家，
只要你宜家係戀愛緊，
你就係愛情入面既其中一個玩家！
好似玩game咁，
只要你玩個個game既玩家！
不過我覺得好多人都將哩四個字誤會左！
以為愛情玩家係一d專玩愛情既人！
不過我個人就唔認同，
因為只要你係談緊戀愛，
你都係當中既玩家！

宜家你仲明唔明？