點解我隻倉鼠冇啦啦會生膿瘡?

首先好抱歉知道你既鼠已經救唔返,希望你都唔好咁難過啦,我都明白鼠鼠走左會好唔慣既,望住鼠鼠原有位置時,感覺難以形容,但希望你快d冇事啦
鼠鼠死之前好多時都會出現迴光返照既情況,不過就算明知係咁,好多時我見到鼠鼠好老就死咁,見到佢精神都會抱有一絲希望以為佢就冇事,但結果...

A.膿瘡多數都係因為有傷口,再受到感染而形成,初時處理好多都好易好返

膿瘡初時去睇獸醫可能會幫鼠鼠放膿,要唔要放就要睇實際情況先知,由於有細菌感染,應該就會用抗生素治療.如果係用抗生素既話,必須定時服用晒所有抗生素,絕不能中斷

B.因為始終唔知係瘡定腫,所以講埋腫瘤成因你知吧,下次養鼠都可以避免問題發生,導致鼠鼠生腫瘤有以下成因:

1)基因問題
有d鼠鼠天生就有癌症既基因,而近親繁殖既鼠較多機會,因為近親繁殖出唻既隱性疾病基因出現癌症既機率較高,從而令鼠鼠可能一個月大已經有患癌症既可能,因為係基因既問題,所以大多就咁睇落去並唔了解點解鼠鼠忽然有癌症
基因誘發既癌症係好嚴重,大多數都會致命

因此,要避免鼠鼠近親繁殖,近親繁殖都會有好多其他既疾病

2)對致癌物質既反應
鼠鼠對致癌物質既反應係特別敏感,亦都因為咁,鼠鼠在實驗中,好多時都被用作癌症既研究

因此,將鼠鼠遠離致癌物質,例如避免俾鼠鼠吸到二手煙,輻射等

3)年老
好多鼠鼠年老時都會生腫瘤,原因仲未研究到好肯定既答案,一般可以話因為年老細胞變異而生腫瘤

4)飲食習慣
鼠鼠太肥,長期胡亂食野,又或食太多致肥致癌既食物,食得多,慢慢都會有癌症

因此,唔好胡亂俾鼠鼠食人既食物,我覺得只係俾混合主糧已經足夠,個人經驗係愈少雜食,鼠鼠身體愈健康,可以去到年老都冇病

5)生育
生育過既鼠係較易有癌症,因為生育後身體既變化而引致,而子宮腫瘤係較常見

過兩3個月就ok