我是否不對?

看了你們的問題，很替你難過！最重要的問題是，你們的感情還在嗎？如果相處了這些年，她對你的感覺只剩下錢，我想，分開一段時間，各自冷靜冷靜，未必不是一件好事！
當然，也不要將香港的女孩一慨而論，任何地方的女人都一個樣，都有左中右上中下，大陸的女孩，壞的也相當多。而我認識的很多香港女人，她們都肩負着獨立承擔養家糊口的責任！只是礙於面子，誰也不願讓人知道而已。就算在國外，還不是公一份婆一份地合力撐起一個家？！
蒼天弄人，人心就是這麼貪，就是這麼不能滿足！有錢的人想要情，有情人卻想要錢！但在我來看，有了錢想找真情難，有了情想找錢卻並非那麼難，只要同心協力！相對來說，有情肯定比有錢幸福！凡人總是用金錢衡量富有與否，其實心靈的富足，豈是用金錢能衡量的？！
和你女朋友坐下好好談談。凡事都站在對方的角度想想，異地而處，如果她是你，你問她她會如何處理？請她說出來，她說得好的，你自然應該考慮，如果不好的，你可以提出反對意見。而你也站在她的角度，嘗試替她解決問題，這樣，或許會有意想不到的結果呢！
相處這麼多年，大家的資金來源與如何分配因該都蠻了解了吧？試從以下幾點着手討論：
１. 男方工資應如何分配？是否應該未雨綢繆呢？
２. 女方工資應如何分配？（其中必須考慮的是：一個家，是由兩個人組成的，只由一方負擔是否不公呢？男女平等，世道艱難，那有只由一方負擔的道理呢？當然，你可以這樣表態：如果在能力範圍內，你自然是願意全力承擔的，但在無法獨擔的時候，這樣要求是否強人所難呢？）
３.　除了金錢，大家是否都對這段情有所付出呢？一個家，除了金錢，最重要的當然還是情！不然，不如叫做合夥搭食。雙方在這方面是否已盡了力？說真的，如果有情，根本不可能如此計較！除非男方真的很孤寒
４．女方如覺得很委屈，認為自己追求者眾，男方難道不也一樣嗎？如果大家相愛，可以用自己的吸引力當作籌碼和心愛的人講條件嗎？問題是，老讓自己覺得窩在這個家裡很委屈，想問題自然不中肯了。何況，外面的鏡花水月，誰又知道到頭來或許是陷阱呢？！
５. 常言道有緣才能相聚，你們已拍拖７年，難道忍心為計較半桌酒席錢就親手毀掉自己的幸福？這未免太兒戲了吧！
其實，我覺得最重要還是憑你的感覺。如果你還愛她，自然可想出許多方法補救。只要你們中間還有個＂情＂字在，任何問題都有回轉的餘地。畢竟吵架都是傷害，自然沒有好話聽。如果愛，當然要忍耐！
但如你已心灰意冷，這個婚我勸你還是不要結。因為辦一件婚事多多少少會產生許多磨擦，新仇舊怨聚在一起，辦完婚事沒多久也就等著辦離婚了。許多拍拖很久一結完婚沒多久就離婚的人，大概就是因為這樣子分手的。
你先細細想清楚吧，看自己到底應該怎麼走？畢竟人是感情的動物，做任何決定都不容易！無論如何，都祝你好運！！！

2007-08-28 21:30:53 補充：
更正：新仇舊怨應為新愁舊怨。

是你不對。
男人，女人都要有錢先，
發財後就可以立品。

男人...有錯要認...打就要企定!!
唔好推卸責任!!

你係咪覺得你係受害者? 又話者到呢一刻為止，你都仲係覺得係你女友唔啱?? 如果係咁...你唔好再開始第二段感情，因為你極可能又會畀人hurt多次~~

你同你gf啱啱開始個陣，當時你冇錢，我覺得冇問題，咪大家一齊捱下，慢慢儲。但如果個女仔同左你3,5,7年，你都仲係一樣冇變過，咁就係你問題...女人青春有限，係人都想嫁個值得付託終生既男人，同你一齊多年，居然最後結婚係要AA，我點敢將下半生交畀你?? 結婚擺酒娶老婆係男人既責任，個女人肯同你一齊供樓，咪當bonus lor...連結婚擺酒都冇錢，根本冇資格叫人地父母將個女交畀你

成日覺得香港女仔現實，其實有邊個人唔現實丫?? 將心比己，你有女都想佢嫁得好。與其責怪人地，不如叫香港d男仔自己爭氣D la~

其實我好唔明白點解會去到呢d時候人地先知你既經濟能力呢？係咪你刻意隱瞞定係個女仔真係禁自私呢？

前者的話好好向人地坦白等人家自己決定返，個個人對自己同生活要求不一樣冇話對錯。後者的話.....你都係放棄啦....佢唔會同你共患難，比都唔好要啦。

你當然有錯！兩個人7年都冇溝通清楚！
我係男人，如果我係你，我會兩個人坐底認真講清楚！
如果都無法有共識，不如大家分開一個短時間諗清楚！
我認為結婚是兩個人願意一生相對，七年感情，
分開是無奈的選澤，但總好過將來後悔！

個人意見 唔岩唔好睇

你有錯，但錯不在你無能力負擔起酒序的錢﹔不在你沒有能力買樓﹔錯就錯在你沒有計劃你的將來﹔錯就錯在你沒有在計劃結婚時，跟她講清楚結婚費用的財政安排。

我明白作為女人，希望可以有一個有經濟能力的丈夫。但我看不起你的女朋友，因為佢唔明白係香港買樓係一件幾困難的事，現在你未有能力，但只要兩個人同心，一齊努力，就有更好的未來。

結婚是兩個人的事，但費用就要你一個人負擔，未免有點……

其實感情冇分岩定錯 只係大家睇法不一 同埋要求唔同
令到大家做唔到大家心入中既好對像
女性角度 就算你唔係大富大貴 都想你係一個有經濟能力既人
男性角度 就算自己窮到不得了 都好想佢真係會肯陪自己捱 共下患難

假如 你真係呢件事既男主角 你最錯既地方係 你做乜諗住同佢結婚
名份對個女人黎講好重要 但同時 冇錢有名份 咪即係叫佢陪你捱成世?
有錢冇名份 起碼唔使捱先 好多女人都係咁諗
係你諗住一人一半錢之前你又本身有冇同佢講過你負擔唔起先?
如果有 你錯唔晒喎 如果冇 個女人會覺得你耍佢多d

有幾多個女人結婚想自己出錢?個個女人係結婚心態上都係個古代人
覺得男人應份比晒所以錢 不過人就係咁 對自己有著數既野係會好執著
古代就話男人出去做野女人十步不出歸門姐 家下重係咩

不過講開又講 7年啦啵 結婚呢樣野唔會係訂酒席前一日你地先諗咖啦
本知結婚要一筆錢 你地冇計劃過要儲幾多 相方儲定係單方面儲咩?
我諗成年事大家都有問題係度 唔係單一方面錯晒囉 你地其實你訂酒席之前
有冇溝通過咖......

假苦你既另一半 真係剩係識共富貴 唔識共患難
咁你事但搵個女人同你並富貴都可以好幸福囉
其富貴邊個唔識 並患難先係難得 自己有冇錯 其實你自己都好清楚
問題係邊度 問題多唔多 一隻手拍唔響咖 有時遇到問題只係識推卸
重值唔值得繼續自己好清楚 7年啵 問題唔會今日先發生


我可能都係有偏見咖 因為我好憎d厭人窮又要同人一齊 阻大家時間既人
我始終覺得可以共患難先會令大家更加珍惜大家 如果感情路遇上金錢問題
只會推卸責任既人好衰 呢個世界冇規定結婚既野要男人比晒咖
只係好多香港女人心態覺得應該男人付出晒咋
當然實有d女人唔係咁諗 不過好少囉=.=

好似我老公咁 同你差唔多 不過當初結婚果陣 我唔覺得佢比唔晒錢係佢既錯
結婚係兩個人既事 分擔係必然 結婚可以租屋 唔一定要買樓
買樓又點 冇自己名又點 對方真係會有日唔要自己又點 唔通冇開心幸福過咩
唔通驚萬一呢樣野就要攬住d錢做人咩 咁要男人黎做乜 因為錢呀?
感情既感覺唔可以用錢買 可以買既只係物質上既享受
感情缺少左物質上既享受 一樣可以享受快樂 只係好多人唔知足姐
我同我老公感情好好喎 從來冇因為錢呢個問題諗你地呢d問題出黎喎

個人意見 唔岩唔好睇

其實女人當然係想自己嫁一個可以照顧到自己既人喇...當然如果一早有plan...可能一齊儲錢結婚la~佢如果真係唔想同你生活,佢唔會花上7年既時間同青春同你一齊..只係..如果你地得唔到共識既....信心已經唔見左....唔通比你中既6合彩頭獎所有問題就會解決咩?

其實唔好想太多,大家都唔係岩哂...只係大家要同睇既野唔一致....比d時間大家想清楚,再慢慢傾喇.....真係傾唔掂sin再算喇....

樓主....女人結婚係想生活同情緒上都有個保障~你又唔可以怪哂佢既....^^加油!希望你地早日解決問題la

香港女人只能共富貴．．不能共患難

是我對ｈｋ女既看法．．．

其實我覺男人應該以事業為先．．

樓主也不好想咁多啦．．做好份工！