關於曉暉花園

我係地產經紀,希望答到你問題啦.( 雖然正常人都會覺得sales一定係非常hard sell )

1 and 4)我帶客睇過and做過曉暉花園,老實講,熱就唔多覺,治安亦無乜大問題,反而最大問題( 純粹我個人覺得 ),就係太貼向山,日光照入屋唔係太夠,有D人會覺得間屋比較暗,仲有景觀比較單調,日日望住D樹,可能有人會覺得悶.我自己都有少少認同,不過好處就係夠靜.

2)我試過7,8月帶客上去睇樓,睇足大半個鐘又唔開冷氣,都無俾蚊咬wor.不過,始終多花草樹木的地方,多多少少都會有蚊ga啦,但我個人覺得問題不大.

3)治安幾好,無乜聽過有打劫或入屋爆竊,因為間屋同座山有一定距離,賊仔唔會咁易爬到入屋.仲有,管理公司都做得唔錯,check得幾頻密.

希望幫到你啦,如果有問題,可以e-mail俾我再傾.