我的鼠鼠唔知係唔係快死.help me

A.佢幾耐之前食左韭菜呢?食左幾多?唔知佢仲有冇其他病徵呢?甩毛有冇甩到見到佢既肉?佢食野同活動,身體同排泄物有冇異常?

鼠鼠係絕對唔可以食韭菜既,因為會破壞鼠鼠既紅血球,食得多會好嚴重既,所以最好去睇醫生,仲要記得同醫生講佢食過韭菜

甩毛唔一定係好嚴重既原因,皮膚病or換毛都會甩毛,一般甩到冇左一部份毛先係皮膚病,但佢之前食左韭菜,唔知多唔多,身體有病都會令佢甩毛既,最緊要搵出甩毛同突然瘦既原因,如果只當皮膚病處理,我怕會忽略左佢既主因

睇獸醫可以參考一下以下資料:
最貴最好:
大圍珍禽異獸及寵物醫院 DR.TIGER/DR.LAM
Tel: 2687 1030 地址:大圍積信街75號地下
http://www.taiwaiexotic.com/

平d可以睇愛護動物協會,但做手術既話,都可以會叫你睇大圍,因為設備不足.
愛護動物協會診所資料:(需入會) Dr. Corla DeWet
http://www.spca.org.hk/chi/vet/vetclinic.html
愛護動物協會流動醫療車資料:
http://www.spca.org.hk/chi/vet/moclinic.html

B.睇醫生之前可以做以下既事:
1)有第隻鼠既話要分籠,患病既鼠被第隻鼠乘虛打死(鼠鼠本身係獨居動物,其實咩情況都係一籠一鼠較好)
2)保持環境乾爽清潔,避免有更多細菌再令鼠鼠受感染
3)唔好俾風直接吹到鼠鼠,要鼠鼠保持溫暖
4)俾一d有營養既野佢食.可以試下俾d麥片or白麵包佢
5)如果鼠鼠唔食野唔飲水,就用手直接餵,都係唔食既話,就要俾d耐性試多d,鼠鼠唔舒服,又會好累咁,係冇咩胃口既

C.其實最好就唔好胡亂俾人既食物俾鼠鼠食,而家既鼠糧,一包有好多樣野既混合主糧,其實已經好有營養,我既隻鼠就只係食主糧,我個人經驗係愈少雜食,鼠鼠身體愈健康,可以去到年老都冇病
建議唔俾蔬果鼠鼠食原因如下:
1)鼠鼠多數鍾意將食物收埋入腮再去安全地方收埋(有時鼠鼠放入腮但都會好似食緊咁),之後再食,新鮮食物咁處理既話會好唔衛生,好易到食物壞左鼠鼠先進食
2)好多蔬菜都會有農藥,人食既時候整得唔熟都已經有問題,而鼠鼠既體積咁細,極少農藥都會做成問題,所以俾鼠鼠食係好危險既
3)咁多水份既食物好容易令鼠鼠肚瀉既,肚瀉對鼠鼠唻講係幾嚴重既病,好易會死架.就算毫無農藥成份既蔬菜,都好難控制俾幾多蔬果俾鼠鼠食,好易俾過多,所以唔俾好過
而鼠鼠本身住在沙漠,所食到既植物都同蔬果好唔同,水份一定好少
4)其實人類既食物大多數都唔適合鼠鼠食既,有d食物可能好少份量已經會超出鼠鼠可承受既鹽or糖份(果糖都係),又或會對鼠鼠係太刺激食物等,食得唔健康好易病既

我唸應該係了,一般有重病的人都甩頭髮la,同會好瘦,做定心埋準備la.