有冇人答到.我隻狗究竟混左咩品種呀? [[ 10分! ]]^^

重點:以下我隻松鼠狗特徵
1)佢D毛,佢個樣,同性格都似松鼠,
2)佢D毛係啡啡地!
3)個咀就尖咀!(但我見有D松鼠都尖.所以我隻狗個樣同松鼠冇大分別)
4)而性格就中意吠,好怕陌生人,係屋企惡又曳,出到去就[林]好多(呢D可能唔關事,我種佢掛哈哈@@)
5)就係手腳&身體長度都生得比正常比例過分的長,體型瘦,而且唔係咁易肥..所以個身唔係呈圓形


補充:
我年幾前買左隻松鼠狗返黎,
當時佢得3個月度好細隻,咁狗場個人就同我講佢係一隻純品種既迷你松鼠
點知佢越大我就發覺唔係幾妥.
佢個身已經話比我知佢唔係迷你,因為身驅越生黎越長,
比一般松鼠係長得多,但又未至於臘腸個長度~
好啦.再大少少喇,佢D手手腳腳亦都生得好長,呢樣係好明顯!
但因為佢身長同腳長同一般松鼠比例有別.所以我去獸醫度問,
冇人答到我佢係混左咩品種既狗.而我亦聯絡唔返狗場...
有人答我可能係混左迷你牧羊,因為牧羊狗手腳生得長D同比較怕陌生人..

你地認為呢?又或者比D意見丫~詳細少少解釋...唔該^^

P.S.我淨係想清楚我隻狗多D.無論佢混左咩我都一樣愛佢。