點解隻鼠鼠吾會大?

兩隻鼠鼠放埋一齊耐左出現一大一細,一係打交,一係細既鼠有病

細隻既女鼠有冇咩唔舒服既情況?飲水,活動有冇問題?仔細檢查佢會唔會有外傷,感冒,肚瀉等問題

如果唔係有咩病而令佢唔大,就應該係因為俾男既蝦佢(不過有d病都係因為被蝦被打而有既)

鼠鼠多過一隻既時候可以話好霸道,因為咁係強迫鼠鼠違反獨居既天性
我試過將食物,屋,轉輪,瞭望台之類都有兩or三樣,希望佢地唔會爭,但結果都係打死晒,差不多可以話坊間講話令鼠鼠唔打既方法我都試過晒,死左鼠之後,d人就會同我講,咁橋呢兩隻特別惡先咁,但試過好多好多次了,加上有部份真係好乖

我細個都真係令不少鼠死,因為佢地打死我又再養,一次又會幾籠,我好鍾意鼠鼠,都好希望一次養好多,都想繁殖or一籠多鼠,但慢慢知道係唔可以,我一籠一鼠之後,我既鼠多數係老死or年老生腫瘤而死

唔想其他人步我細個既後塵,而家我間中都會發惡夢,都會內疚,所以真係好希望你可以考慮一下一籠一鼠啦

長氣d講多次,建議一籠一鼠原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

2007-08-18 08:03:39 補充：
我就唔同意特地唔俾鼠鼠玩轉輪去令鼠鼠肥,唔做運動對身體唔好,又易有麻痺既情況,而且冇必要特登整肥佢,佢一隻住會肥就因為唔再受威脅,慢慢等佢自己體型正常返唔係更好嗎?肥胖易令鼠鼠有病,所以最好係自然地正常返

唔洗驚,鼠鼠本身已經唔算大,仲要睇下你果隻係咩品種

我之前既情形同你差唔多

跟住我試過張隻女同男分開一個月左加

隻女仔得自己一個會食好多野,你亦都可以嘗試唔好擺個"轉轉"

落去,即係好似人咁,食得多野冇運動就會肥

你可以觀察一段日子,如果覺得佢肥左大隻左就放番去同男仔一齊啦

我之前都係咁,而家隻隻都被我養到肥肥白白,好健康^^